E fundit!

16:32 Politikë

Rama takon sot banorët e Zvërnecit/ Zbardhen detaje

Kryeministri Edi Rama do të zhvillojë ditën e sotme një ta...

Jemi në Amerikë, Këtu nuk ka servilë !

30 Tetor 2015, 11:48, Opinione CNA

Nga Genci Pishtari…

Mbrëmjen e djeshme, Kryetari i Kuvendit të Shqipërisë, Ilir Meta u gjend në një situatë të vështirë kur gazetarja e Zërit të Amerikës, Ardita Dunellari, i kërkoi sqarim mbi lakimin e emrit të tij në afera korruptive. Në fakt, kjo ishte hera e parë në të cilën kreu i Kuvendit nuk mundi të dilte faqebardhë nga pyetjet e një gazetari. Intervista e mbrëmshme në VOA tërhoqi vëmendjen e shqiptarëve, e madje nuk munguan as komentet pozitive drejt gazetares Dunellari, e cila në sytë tanë erdhi si një bekim nga qielli. Por, në këndvështrimin e një gazetari, pyetjet që ajo i drejtoi Metës ishin aq të thjeshta sa që pothuajse çdo shqiptarë ja bën vetes dhe i diskutohen në çdo cep të kafeneve.

Kaq shumë kohë kemi pritur për të dëgjuar disa pyetje të drejtpërdrejta, pyetje të cilat shprehin dyshimet e popullit, pyetje me të cilat gazetaria kryen funksionin elementar të saj, atë të të qënit zëri i popullit. Shpesh herë, presim pyetje me fjalë të mëdha nga gazetarët, duke i dhënë mundësi të intervistuarit të devijojë nga pyetja. Po pse në Shqipëri gazetarët nuk e kanë guximin për të drejtuar pyetje të tilla, pyetje të thjeshta, të cilat kërkojnë sqarime të kuptueshme. Përgjigja është po aq e thjeshtë sa pyetjet që gazetarja e VOA i drejtoi Metës. Sepse servilizmi, miqësia dhe fshehja pas profesionit kanë pushtuar gazetarinë në vend. Sepse frika, e cila në kokën e një gazetari nuk duhet të ekzistojë, i është futur thellë në palcë pyetjeve ?prodhim vendas?. Është një përgjigje aq e thjeshtë, sa që nuk ka nevojë për shumë fjalë. Shkurt përgjigja është servilizmi . Ka gazetarë që janë pjesë të partive politike në vend. Ka gazetarë të cilët lobojnë për parti të caktuara. Po Po! Ka gazetarë të cilët marrin para nga politikanë, për ti kryer pyetjet që dëshirojnë ata. Ka media të cilët marketojnë politkanë. Pra, në këtë sistem gazetaresk, nuk mund të presësh pyetje për popullin. Të gjithë flasin për reforma dhe ndoshta është koha për të reformuar edhe gazetarinë.

Nga kjo pikëpamje, këta pyetës servilë nuk mund të jenë të paaftë për vetë faktin se pyetje kaq të thjeshta, shqiptarët i konsumojnë çdo ditë.

Në fund të fundit , përgjigja e gjithë këtyre shqetësimeve që kam mbi kokë u dha nga vetë gazetarja e VOA-s, kur në momentin që kreu i Kuvendit u nervozua nga pyetjet, ajo i shpjegon se ? Jemi në Amerikë! Këtu nuk ka pyetje të këqija?. Këtë fjali e përktheva kështu: ?Jemi në Amerikë!! Këtu nuk ka servilë !!