E fundit!

17:57 Politikë

Takimi me banorët e Zvërnecit/ Rama: Çështjen e pronave e vendos vetëm gjykata

Kryeministri Edi Rama po zhvillon sot një takim me banorët...

Teoria e Netanjahut se Hitleri e vendosi shfarosjen e hebrenjve nën ndikimin e një lideri shpirtëror islamik, i dha koherencë logjike Holokaustit

24 Tetor 2015, 19:10, Opinione CNA

Nga Kastriot MYFTARAJ

Deklarata e Kryeministrit izraelit Netanyahu se Hitleri nuk kishte plan që t? i asgjësonte fizikisht hebrenjtë e Europës, por e bëri këtë nën ndikimin e Myftiut të Madh të Jerusalemit, më tepër se thënia e një kryeministri, i jep Holokaustit atë koherencë logjike, e cila deri më sot nuk ka qenë e plotë. Një nga argumentet më të fortë të mohuesve të Holokaustit ka qenë dhe është se nuk shpjegohet ndryshimi i befasishëm i qëndrimit të Hitlerit ndaj hebrenjve, nga trajtimi i tyre si një popullsi e padëshiruar që duhet izoluar dhe eventualisht deportuar jashtë Europës, në vendimin për asgjësimin e tyre fizik. Ky vendim i befasishëm shpjegohet me ndikimin e Myftiut të Madh të Jerusalemit, Mohammed Amin Al-Husseini (1897-1974), i cili ishte lideri kryesor i botës islame, në mungesë të khalifit. Mohammed Amin Al-Husseini kishte një autoritet të madh në botën islame, edhe për faktin se gjenealogjia e tij shkonte deri te Muhamedi. Mohammed Amin Al-Husseini i cili më pas do të kishte një ndikim vendimtar në mospranimin nga arabët të kompromisit që bëri Këshilli i Sigurimit i OKB në 1947, duke ndarë koloninë britanike të Palestinës mes hebrenjve dhe arabëve, çka është në zanafillë të konfliktit të përgjakshëm arabo-izraelit që nisi në 1948 dhe vazhdon edhe sot e kësaj dite.
Dihet se Myftiu i Madh e ka vizituar disa herë Gjermaninë gjatë Luftës së Dytë Botërore, në vizita publike e sekrete, dhe është takuar edhe me Hitlerin. Hitleri kishte shumë iluzione te Myftiu i Madh. Hitleri mendonte se Myftiu i Madh do të mund të organizonte një kryengritje të përgjithshme kundër Britanisë së Madhe në kolonitë islamike të saj, nga Egjipti, në Irak, e deri në Indinë Britanike (Pakistan, Bangladesh, popullsinë islamike të Indisë së sotme) etj., si dhe në në territoret me popullsi islamike të Bashkimit Sovjetik. Jo rastësisht shfarosja e hebrenjve nisi pasi Gjermania u gjend në luftë në dy fronte, me Bashkimin Sovjetik në Lindje dhe me SHBA në Perëndim (përveç Britanisë së Madhe). Në këto rrethana, kuptohet se Hitleri kishte disponim të rritur për projekte me dhunë të skajshme dhe masive. Myftiu i Madh ishte njeriu i gabuar, në vendin e gabuar, në kohën e gabuar. Sigurisht që Hitleri mban përgjegjësinë për ekekutimin e Holokaustit si gjenocid, por ideuesi është padyshim Myftiu i Madh i Jerusalemit Mohammed Amin Al-Husseini.
Myftiu i Madh i Jerusalemit ka qenë një njeri shumë dinak dhe djallëzor. Duke e parë gjendjen e rënduar psikologjike të Hitlerit, kur Gjermania u gjend në luftë në dy fronte me tre fuqi të mëdha, ai e ka kuptuar se mund ta manipulojë psikologjikisht Hitlerin duke luajtur me instinktet e tij të dhunshme e duke zgjuar edhe ato anë të errëta të natyrës së Hitlerit që ishin të fjetura. Kështu Mohammed Amin Al-Husseini është përgjegjësi kryesor për Holokaustin se ka manipuluar një njeri i cili në kohën kur nisi shfarosja e hebrenjve duhet të ishte duke u kuruar në një klinikë psikiatrike.
Unë personalisht, pas kësaj deklarate të zotit Netanyahu i quaj të sqaruar dhe të kapërcyer të gjithë dyshimet që kam pasur dhe kam shprehur për Holokaustin (Shoah). Për ndikimin e Myftiut të Madh te Fyhreri duhen studime të thelluara. Madje Myftiu i Madh duhet studiuar jo vetëm sa i përket Holokaustit. Pas deklaratës së Netanjahut ka pasur kritikë që duan ta kundërshtojnë atë duke thënë se vrasjet e hebrenjve nisën që në verën e vitit 1941, në territorin e Bashkimit Sovjetik të pushtuar nga gjermanët. Kjo është e vërtetë, por vrasjet e verës 1941, përbëjnë vetëm 1% të Holokaustit dhe ato nuk janë pjesë e nje plani të madh për shfarosjen e hebrenjve, për të cilin dihet se është përpiluar më vonë, në Konferencen e Wansee, në janar 1942. Masakrat antisemite naziste të verës 1941 janë bërë kryesisht ndaj familjeve të hebrenjve bolshevikë dhe oficerëve të Ushtrisë së Kuqe, pra kanë patur karakter racial-ideologjik dhe jo thjesht racial, si pjesa tjetër e Holokaustit, e kryer me nxitjen e Myftiut te Madh, i cili i dha Hitlerit idenë e mbytjes dhe djegies së hebrenjve.
Është interesante se Myftiu i Madh i Jerusalemit Mohammed Amin Al-Husseini ka vizituar disa herë edhe Ballkanin në Luftën e Dytë Botërore dhe ka dashur të krijojë një federatë islamike në Ballkan që përfshinte Bosnjën, Sanxhakun, Kosovën e sotme, Shqipërinë e sotme, dhe territoret me popullsi muslimane të Maqedonisë së sotme dhe të Malit të Zi. Ide dhe plane që kërkojnë të riaktivizohen edhe sot.