Nga Artan Hoxha / Halli me CEZ si burma pa fund

18 Tetor 2015, 09:47, Opinione CNA

Qeveria gojëkyçur më në fund foli për CEZ. Me lakun në fyt e këmbët mbi stolin që për pak ia rrëzoi me një shkelm Iliri, edhe Ministri edhe Kryeministri u detyruan të flasin.

Shanë e s?lanë gjë pa thënë. E akuzuan Saliun për të gjitha dëmet, të gjitha prapësite ? para privatizimit, në privatizim, pas privatizimit nen menaxhimin e çekëve, pas dëbimit të çekëve deri ditën kur Saliu la zyrën. Aplikuan pa ngurrim akuzën pa fakte. Metodë e zakonshme për kundërshtarin, e papranueshme kur kundërshtari aplikon të njëjtën metodë.

Saliu dhe të tijtë djaj me brirë, por jo Iliri dhe të tijtë. Ëngjëll. Jo vetëm që s?kishte dorë as në dëme, as në allishverishe, ndonëse të vetët i kishte ministrat dhe Ministër i Energjisë u bë edhe vetë për disa muaj (atë kohë bateritë mbi Ilirin i zbrazën aleatët e sotëm), por, Iliri pra me të tijtë, u përpoq me c?mundi të shpëtonte c?të mundej prej zullumeve të Saliut dhe të vetëve.

Çekëve, që për katër vite benë ç?deshën e morën ç?munden, që lane pas linja te demtuara, arke bosh e borxhe plot, ndersa ua dha pajtimin, qeveria iu fali demet e borxhet, ua hoqi qafe edhe arbitrazhin per gjoben 135 milion euro te DIA, do u jape ? thele mbi bisht ? edhe 95 milion euro te tjera e u premtoi se as nuk do t?i shaje e as nuk do t?u hyje gjemb ne kembe.

Por, meqe ju desh te flase e meqe as nuk mund ti shaje ceket e as ti lavderoje u detyrua ti mbroje. Qeveria u be keto dite avokati me i madh i tyre. I mbron duke share Saliun. Paskesh qene ky qe i detyroi ceket te prishen, te pranojne kushtet, te paguajne haracet, te deshtojne e rrenojne sistemin e shperndarjes e, ne fund, i zboi fatkeqet aq dhunshem sa s?kishim me asnje shans te fitonin sadopak ne arbitrazh kunder tyre e ata do na bluanin.

Ndaj, Qeveria po thote se u terhoq edhe per te shmangur ?Vaterlone e financave shqiptare? edhe per te shmangur ndonje ?veto ceke? kunder statusit kandidat ne Eurpe kur ky u be tregues suksesi apo deshtimi pas vitit te pare te kesaj Qeverie, ndersa parate qe CEZ nuk i mblodhi dot as me hir, me manaxheret ceke me kollare, as me pahir, me te fortet vendalinj te kompanive borxhembledhese, po ia mbledh Qeveria miletit me gjoba e burg.

Si per bela u fut ne loje edhe KLSH me kallzimin ne Prokurori per demin prej 479 milion euro shkaktuar shtetit nga pajtimi i Qeverise me CEZ.

Sa per KLSH nuk e rruajne fare-fare por i druhen ca Prokurorisë ndonëse dihet se, nëse gjithçka mbetet e mbeshtetet ne cfare shkruan KLSH, s?duhet te kete padi per shperdorim detyre nga Prokuroria pasi, ne llogari te fundit, s?ka prove a fakt ne ate dokument per te mbeshtetur dyshimin per dashjen e Ministrit te Energjise a Kryeavokates se Shtetit per shkaktimin e demit edhe nese ky ekziston.

Por, ku i dihet! Me nje padi qe s?do ta shkruante as studenti i vitit te pare juridik, qofte edhe me i dobeti i klases, prokurori e plasi brenda ca muaj ish-guvernatorin dhe ish-kryeinspektoren e Bankes Qendrore.

Ne rastin CEZ, dhjetera faqe te KLSH i dalin e i mjaftojne Prokurorise per te zbatuar te njejten palo standard. Aq me shume qe, keto kohe, s?po merret vesh se me ke eshte Kryeprokurori: vazhdon me Saliun, eshte me Edin, e nxit Iliri, e mbeshtet Donaldi apo ka axhenden e vet ne kete faze prag reforme te drejtesise.

Hall mbi hall doli se pajtimi me Rebeken e DIA s?paska me vlere pasi Kastrioti e paskerka rimarre kontrollin e kompanise dhe kercenon qe nga qelia me faturen 135 milion euro.

Gjithsesi, nje eksperience te pare Qeveria e fitoi me ceket: mbyll gjyqin, bej pajtimin, fal borxhet, harro demet, jep nje dore para, premto heshtje dhe pandeshkueshmeri.

Metoda me ceket mund te funksionoje edhe me Kastriotin. Pasketaj me nje tjeter, me nje tjeter, e me nje tjeter, si burma qe rrotullohet e rrotullohet pa fund