E fundit!

11:52 Aktualitet

Begaj, në homazhet për efektivin e vrarë/ Familjarët i kërkojnë llogari: Po na vrisni, bëhuni të zotë

Presidenti Bajram Begaj ka marrë pjesë në homazhet në nder...

Rilindja në gjunjë përballë Aleksandër Frangajt

28 Tetor 2015, 08:02, Aktualitet CNA

Komprometimi i Rilindjes ka avancuar në një stad tjetër. Rilindja është ulur në gjunjë para ish-klientëve dhe beniaminëve të rrethit të parë të Sali Berishës. Buçima e skandalit të radhës me Lagunën Blu të Golemit, tashmë në duart e Aleksandër Frangajt, ka konfirmuar edhe një herë se pushtetit i Edi Ramës dhe pushteti i kaluar i Sali Berishës janë dy anët e së njëjtës medalje. Dilema se kush ja ka dhënë lejen Aleksandër Frangajt për të ndërtuar në Lagunën e Golemit, Sali Berisha apo Edi Rama, ka marrë përgjigje dje. Lejes së paligjshme i ka hapur rrugë Sali Berisha, ndërsa Edi Rama ka mbështetur me polici zbatimin e saj. Por, ndërsa Sali Berisha u ndëshkua në 2013 për këtë mentalitet qeverisës, Edi Rama ka vendosur t?u hapë rrugë shkatërrimit dhe përvetësimit të pasurive publike me anë të beniaminëve të Sali Berishës. Erdhi në pushtet me premtimin e madh se do të priste duart e klientëve të Berishës mbi pasuritë publike, por sot Edi Rama është bërë bashkë me ish-bashkëpunëtorët e Sali Berishës për të grabitur pronat publike. Sqarimi i zyrës së disinformacionit të qeverisë, me në krye Endri Fugën, vetëm sa e ka implikuar dhe kompromentuar më shumë Edi Ramës. Së pari, Edi Rama, ka shembur gjithçka, por nuk ndaloi Aleksandër Frangajn, i cili po i turret Lagunës Blu në Golem. Së dyti, leja e Frangajt është firmosur nga kryekomunari i Edi Ramës.

Dhënia e lejes

Dje janë zbardhur të gjitha prapaskena duke i dhënë fund debatit se kush firmosi lejen për Aleksandër Frangajn, me qëllim që ai të ndërtojë tek Laguna Blu. Ish- komuna e Golemit e drejtuar nga Partia Socialiste i ka dhënë leje ndërtimi në vitin 2014, sipas udhëzimeve të qeverisë ?Rama?, që aty ku ka plan rregullues nga KKRT, komuna mund të jap leje ndërtimi. Brenda këtij plani rregullues janë futur fillimisht fushat si shesh ndërtimi dhe pas këtij veprimi, Frangaj nuk e ka pasur aspak te lehtë të marrë lejen më pas. ?Kërkesa kryerje punimesh për: Strukturë individuale banimi 1-2 kate në pronësi të Aleksandër Frangaj dhe Alba Bina, me Nr. Pasurie 102/19 Vol 20 faqe 24, 4673, Z.K 3101, me vendodhja në Qerret, me investitor shoqëria ?Aleksandër Frangaj? dhe Zhvillues shoqëria ?Mane TCI?, pranohet?, thuhet në dokumentin e firmosur nga ish-kryekomunari i Golemit, Agron Agalliu, në të cilin jepen detajet pas kërkesës së paraqitur nga Frangaj. Më tej në dokument janë përcaktuar hapat e mëtejshëm. ?Pranohet më datë 21.08.2014, për çështje të përmbushjes së formës dhe do të fillojë shqyrtimi i përputhshmërisë së projektaktit arkitektonik me rregulla urbanistike dhe instrumentet e planifikimit në fuqi si dhe pas shqyrtimit në këshillin teknik të kërkesës zhvillimore. Ju bëjmë me dije se keni detyrimin që brenda 5 ditëve nga datë e pranimit të kërkesës, të bëni njoftimin publik në vende të dukshme në afërsi të parcelës ku do të kryhet zhvillimi dhe brenda saj. Kërkesa zhvillimore, njoftimet e bëra nga kërkuesi në parcelë dhe përreth saj qëndrojnë të shpallura deri në përfundim të procesit të shqyrtimit dhe të marrjes së vendimit?, thuhet më tej në dokument. Në të është thënë gjithashtu se dokumentacioni i plotësuar është bërë sipas të gjitha parashikimeve ligjore.

Dokumentacioni

Në dokumentet e bëra publike, Komuna Golem ka lëshuar dhe një vërtetim për pranimin e kërkesë së Frangajt për të ndërtuar në këtë zonë. Përmes një shkrese drejtuar Aleksandër Frangajt dhe kompanisë ?Mane SH.P.K?, Komuna i ka njoftuar për lejen e përfituar. Bashkë me të u është vënë në dispozicion dhe harta e zonës në fjalë ku do të bëhen ndërtime. Leja është marrë në datën 21 gusht 2014 dhe vërteton se është firmosur nga ish-kryekomunari socialist. / Sot