E fundit!

11:52 Aktualitet

Begaj, në homazhet për efektivin e vrarë/ Familjarët i kërkojnë llogari: Po na vrisni, bëhuni të zotë

Presidenti Bajram Begaj ka marrë pjesë në homazhet në nder...

Burgu për kuponin tatimor/ PS del kundër Qeverisë

28 Tetor 2015, 07:22, Aktualitet CNA

Parlamenti nuk ka miratuar dje propozimin e qeverisë për ndryshimin e Kodit Penal, që parashikonte dënimin deri në tre vjet burg për bizneset që nuk regjistrohen, apo që nuk lëshojnë kupon tatimor.

Deputetët e maxhorancës e kanë quajtur si masë shumë të rëndë që të dënohen me burgim bizneset për moslëshim të kuponit, duke kërkuar që kjo masë të ishte administrative e më pas penale.

Komisioni i Ligjeve
Relatorja e projektligjit, Vasilika Hysi, ka theksuar se në nenin 13 të ndryshimeve në Kodin Penal, moslëshimi i kuponit tatimor është vepër administrative dhe më pas penale. Sipas Hysit, në ligj duhet të përfshihen edhe rastet e dënimeve me gjoba, kur bëhet fjalë për shifra të vogla parash. Po ashtu, deputetja e PS-së tha se problematikë që nuk zgjidhej në ligj ishte edhe përcaktimi i dënimit, pra në rastin e moslëshimit të kuponit tatimor do të dënohej punonjësi apo administratori i biznesit.

?Përgjegjësia penale, parashikohet atëherë kur më parë është dhënë një masë administrative. Kam sugjerim që të përfshihet dënimi me gjobë në ato raste që kemi të bëjmë me vlera të vogla? Por, gjithashtu, duhet bërë një debat juridik profesional dhe jopolitik për rastin se kush do të mbajë përgjegjësi se në mënyrë të përsëritur nuk lëshon kupon tatimor, do ta mbajë administratori siç e ka ligji, apo do ta mbajë punonjësi?, tha Hysi.

Propozimi i Hysit u mbështet dhe nga deputetët e majtë, Pandeli Majko dhe Petrit Vasili, të cilët kanë kërkuar që neni të riformulohet në mënyrë që të mos ngarkohen me përgjegjësi penale personat e gabuar. Majko kërkoi që të negociohet me qeverinë për këtë pikë, ndërkohë që edhe kreu i Komisionit, Fatmir Xhafaj, tha se qeveria duhet t?i riformulojë nenet pasi janë rënduese për biznesin.

?Kolegët propozojnë që të fusin masë administrative që kjo të mos jetë rënduese që në hapin e parë, por të jetë rënduese për ata që e kanë vijë sjelljeje dhe që e bëjnë me qëllim dhe që i bëjnë karshillëk ligjit dhe shtetit. E gjithë kjo kërkon ristrukturim të këtij neni, mbi atë bazë të ndërtojmë debatin. Nuk ka pse tërhiqet qeveria nga njerëzit që duan të shkelin ligjin, por qeveria është duke parë një pozicion të saj për shkak të asaj që ka ndodhur në zbardhje të ligjit?, tha Xhafaj.

QEVERIA
Edhe ministrja për Marrëdhëniet me Parlamentin, Ermonela Felaj, ka bërë një tërheqje të butë, duke thënë se propozimi i Hysit ka qenë i parashikuar edhe nga qeveria, por është bërë gabim në zbardhjen e draftit përfundimtar.

?Në nenin 13 të Kodit Penal është bërë një gabim në zbardhje dhe gabimi konsiston në mospërdorjen e termit, kur më parë është marrë masa administrative. Pra nuk bëhesh automatikisht objekt i veprës penale, por nëse je ndëshkuar më parë me masë administrative?, tha Felaj.

Por për opozitën, qeveria po tërhiqej nga propozimi i saj, të cilin PD e ka quajtur si çmenduri.

?Qeveria ndoshta i ka thirrur mendjes dhe tani po gjen artifica për ta hequr, se duhet hequr. Cilësimi i moslëshimit të kuponit tatimor si krim është çmenduri, është barbari?, tha Halimi/ Panorama