web counter
LEXO PA REKLAMA!

SHKARKO APP

App Store
Google Play

E fundit!

x

Intervista ekskluzive e Kaso Kostes/Ilir Meta: Ja përse e kërcënuam dëshmitarin e cështjes “CEZ”

27 Tetor 2015, 18:02, Aktualitet CNA

Unë Kaso Kosa deklaroj se asnjëherë nuk kam qënë jashtë zhvillimeve politike të vendit tonë. Dhe ju si lexues, keni vite që e dini këtë gjë. E në këtë kuadër, këtë radhë shkova të takoja një kuadër të lartë të LSI-së. Ta pyes, mendova për skandalin që ka plasur në lidhje me atë kompaninë çeke. Në korridor m?u desh të prisja 2 orë. Kishte radhë. Pastaj hyra brenda dhe zhvillova këtë intervistë, që për kokë të Ilirit është e vërtëtë.

-Zoti Meta, përshëndetje!

-U Kaso-ja! Po ku je, se ke humbur fare? Më fal që të bërë të prisje, por siç e pe kisha njerëz.

-Nuk ka gjë zoti Meta?.

-Kështu është përditë Kaso. Po na mbushet partia me djemë dhe vajza të reja. Ikin nga PS dhe PD dhe na vijnë këtu në LSI.

-Zoti Meta, desha t?ju pyes për skandalin e fundit? Për atë që është zënë Bleona Qerreti me atë gazetaren.

-Më pyet Kaso, kur të duash. Vetë nuk e kam parë, por kam lexuar në shtyp. Zien media. Gabim bënë vërtet që u zunë, thonë. Është bërë problem kombëtar zënia e tyre.

-Në fakt, zoti Meta unë desha t?ju pyesja për çështjen e CEZ. Thonë që keni përfituar?.

-Ma kujto pak këtë çështje, se unë kam shumë të tilla Kaso.

-Po ja atë çështjen që ju keni favorizuar një person të quajtur Kastriot, që të mblidhte borxhet që debitorët i kishin CEZ-it.

-E vërtetë është Kaso! Unë kam dashur që ky burri që quhej Kastriot, të mblidhte paratë. Por të betohem për idealin e majtë dhe te djathtë, që nuk kam përfituar. E kam bërë vetëm për Heroin tonë Kombëtar.

-Nuk ju kuptoj, z. Meta?

-E mo Kaso që mbete aguridhe! Mezi i kupton çështjet me karakter kombëtar. Ja të ta shpjegoj.

-Ma shpjegoni, ju lutem! Shiko Kaso!

-Më vjen një burrë në zyrë dhe më thotë; A do më ndihmoni mua, për çështjen??.? Kush je ti i thashë? A ke përvojë në proçesin e mbledhjes së borxheve? Unë jam Kastrioti, më tha dhe më lëshoi mbi tavolinë kartën e identitetit. Shikoj unë. Quhej vërtet Kastriot. Kastriot Ismaili? Ç?e ke Gjergj Kastriotin, e pyeta. Jam fis me të më tha. E kupton Kaso! Të të vijë një fis i Kastriotëve dhe mos ta ndihmosh. Do isha antikombëtar nëse nuk do e bëja.

-Pra ju thoni z. Meta që ?

-Po sigurisht Kaso. Vetëm për Heroin tonë Kombëtar e ndihmova. A mund të lihen Kastriotët pa ndihmë? Do të ishte antikombëtare. Pastaj kush më tepër se një njeri me emrin Kastriot mund të mbledhë para dhe t?i menaxhojë ato? A nuk ishte Gjergj Kastrioti që mblodhi prijësat e kohës? A nuk ishte Gjergj Kastrioti që krijoi buxhet të përbashkët dhe diti t?i menaxhonte ato? Hë pra fol Kaso, mos më rri mua si guak? Ishte apo, s?ishte?

-Ishte, z. Meta, ishte.

Ja pra Kaso edhe ti kështu do bëje.

-Z. Meta! Z. Dritan Prifti në një intervistë, u shpreh se ju keni marrë pjesën, pra keni marrë shumë të madhe parash?.

-O Kaso, o figurë e pakonsumuar ndër vite! Po akoma Dritanin dëgjon ti!? Atij nuk i bëjnë dritë neuronet e trurit fare. Vetë drejtësia e provoi psh që videoja që nxorri në 2011 ishte e montuar. Dritani le të merret me lopët hollandeze që ju ndau fshatarëve. S?po pjellin lopët, se demat e zonës nuk i preferojnë.

-Z Meta, u shfaq një video ku shfaqej një jurist i OSHE-së?.

-Po po e pashë. Dhe ku qëndron problem këtu!?

-Thuhet o z.Meta, që ky juristi i shkoi atij dëshmitarit dhe po e kërcënonte në emrin tuaj. Si qëndron e vërteta?

– Gjepura Kaso, gjepura! E vërteta qëndron kështu. Ta marrësh vesh ti dhe kushdo tjetër. Ky juristi shkoi të takonte atë dëshmitarin të pinin një kafe. Shkon ky në lokal, por shkon me pak vonesë. Dëshmitari ishte ulur, kishte porositur kafe, mirëpo nuk kishte marrë kuponin tatimor. Aty juristit i hypën nervat. Dhe mirë bëri. Më merr në telefon dhe më thotë: O shef, ky ka pirë kafe dhe nuk ka marrë kupton tatimor. Shiko, i thashë këtij juristit. Thuaj atij që o të marrë kuponin, o do e ketë keq punën. Dmth s?do ketë punë fare në këtë dynja. E kupton mo Kaso! Pijnë kafe dhe s?marrin kupon tatimor dhe pastaj thonë; Përse na kërcënon Iliri. Do bëjmë shtet ne , apo ? ! Ik tani Kaso se kam punë do pres anëtarë te tjerë të PS-së që po kalojnë me ne. Dhe kujdes: Që mos t?iu kërcënojë njeri,?. merrni kuponin tatimor! ./Helidon Tahiraj





Lajmet e fundit nga