web counter
LEXO PA REKLAMA!

SHKARKO APP

App Store
Google Play

E fundit!

x

Skandali i hemodializës/ Rama i dha 86 milionë dollarë firmës fantazmë

27 Tetor 2015, 12:20, Aktualitet CNA

Në një dalje për shtyp, Partia Demokratike ka denoncuar korrupsionin që po ndodh në dhënien e tenderave. Nëpërmjet deputetes Albina Deda, PD ka akuzuar kryeministrin Edi Rama për dhënien me koncesion për 10 vjet të hemodializës. Sipas saj, ky koncesion me një vlerë prej 8.6 milionë dollarë në vit ka shkuar për një firmë fantazmë.

Deklarata e PD

Skandalet dhe shkalla e paimagjinueshme e korrupsionit në shëndetësi, me koncesionet e tenderat e Rama-Beqës thellohen çdo ditë.

Me urdhër të Edi Ramës koncesioni 10 vjeçar i hemodializes, me vlere 8,6 milionë dollarë në vit, i është dhënë një kompanie fantazëm, pa zyrë, pa përvojë në këtë drejtim.

Sigurisht, Edi Rama nuk do tia dijë për veshkat apo shqetësimet shëndetësore të njerëzve, ai është nisur vetëm nga një qëllim. Biznes, para të thata për të ndarë, 86 milionë dollarë që jepen me fitues të paracaktuar.

Këtu kemi arritur, e keqja nuk ka asnjë kufi.

Këto janë aktet e kryeministrit më të korruptuar në Ballkan, që sipas raportit të punës së OSBE gëzon 200 milionë euro pasuri.

Pasi u mori paratë, pasi u mori shpresën, i kalli në mjerim e skamje, tani Edi Rama po u merr shqiptarëve edhe veshkat.

Çfarë duhet të presim më nga ky regjim i korruptuar.

 





Lajmet e fundit nga