E fundit!

11:26 Kronika

Trafik droge dhe organizatë kriminale/ Arrestohen në Durrës dy të kërkuarit ndërkombëtarisht

Dy persona të kërkuar ndërkombëtarisht janë arrestuar në D...

Intervista ekskluzive e Henri Çilit/ U rrita me historitë për Enver Hoxhën, që në Labinot

26 Tetor 2015, 19:49, Aktualitet CNA

Kaso Kosa kete radhe po sjell për lexuesit bashkëbisedimin liberal me zotin liberal Henri Çili.

Henri Çili: Unë këshilloj të Mjaftë dhe të Djathtë!

Çili:Më ka mbetur qejfi Kaso, që nuk më ke intervistuar më parë. Nuk mund të ma punoje kështu. Ta dish!
-Më falni z Çili, por ju keni qënë i zënë?.
E vërtetë i zënë kam qënë, por ti duhet ta gjeje kohë dhe të vije. Te mua vijnë gjithë drejtuesit e vendit, jo më ti.
-Unë ndaj s?kam ardhur, se s?e konsideroj veten drejtues.
Po të më dojë trapi mua Kaso, të bëj drejtues. Në kë parti do të bëhesh figurë politike? Vetëm vendos se ku do, e që tani të bëj.
-E di z. Çili, e di! E kush nuk ka dëgjuar për trapin tuaj, që kur ju do ta bëni diçka, e bëni . Si arritët të keni kaq shumë pushtet, xhanëm?
Po të hapem, Kaso. Unë jam nga fshati Labinot i Elbasanit me origjinë. Që në vegjeli u rrita me historitë për Enver Hoxhën, që në Labinot u zgjodh i parë i partisë . Atëherë mendoja: Ç?ka pasur ky kodosh më tepër se të tjerët!? Vrisja mendjen, derisa e gjeta.
-Çfarë gjetët?
Kleçkën pra.
-Thashë se gjetët floririn që fshehu në kohën e luftës Enveri, andej nga zona juaj.
Jo mo Kaso, ç?flori gjeta unë. Une mezi gjeja ndonje cope buke mistri, ti thua flori. Unë florin e bëra më vonë, pasi gjeta kleçkën se si mund të bëhesh faktor determinues, siç thotë Adami.
-Cili Adem?
Adaaaami! Adam Smithi, një filozof i madh i rangut tim. Nesje, se s?kam kohë të të iluminoj për Adamin, se edhe ti s?e kupton. Ta kisha idene liverale Kaso që gjeta kleçkën përse Enveri ja u futi trapin të gjithëve. E di pse? Nga ta dish ti, kur s?pëlqen Adamin.
-Ma thoni z. Çili!
Dëgjomë Kaso dhe mbaje vëth në hundë. Enveri bëri përpjetë, se e kishte mirë me Miladinin. Madje që në mbledhjen e partisë komuniste, në kujtimet e veta ai thotë që fjeti në dyshek, mbërdhe pranë Miladinit. Të tjerët nga ai moment filluan të flinin në dynjanë tjetër. Pra Kaso që të ta shkoqit më thjesht: Në shoqëri duhet të të promovojë dikush.
Më falni, më falni, por ju thoni që më pëlqen Adam Smithi. Ky Adami rolin kryesor e shikon te konkurenca e vlerave, jo te e të futurës. Nejse! Juve kush ju promovoi?
Le atë muhabet Kaso! Ja po të të them që më promovoi Soros, ndryshon ndonjë gjë?.
-Ju pashë nga larg që po flisnit në tëlëfon? Mund ta di më kë bisedonit, z. Çili?
Po flisja me ish ambasadorin amerikan Uithers. I thashë që e mbarova atë punë.
-Cilën punë?
Më kishte mbetur një çelës i bashkisë, që nga koha kur aty ishte Luli. Se atëherë hyja dhe dilja, kur të më donte trapi mua dhe derën e hapja vetë. I thashë Erionit: O Eri, o babuç berati! Kam një çelës të derës së Bashkisë së Tiranës. Mendoj t?ja japim Uithersit.
-Po z Veliaj, ç?ju tha?
Po ç?e do çelësin ai, më tha. Në derën e bashkisë e kemi bërë që të hapet me kartë elektronike. M?u desh të këshilloja Erin pastaj. E mo Kaso, mbeta duke këshilluar, të mjaftë e të djathtë. Telefonoji Uithersit, i thashë Erionit dhe thuaj: Më këtë çelës që po të dhuroj, mund të vish ta hapësh bashkinë kur të te doje trapi”. Se mos do i themi ne që derën e kemi me kartë elektornike.
-Po z. Veliaj ç?ju tha?
Ç?të më thoshte Kaso! Pranoi. Ore kur jap ide unë, s?kundërshton njeri se ndryshe ju bllokoj procesin e doktoraturave, gjithë politikane qe me pare kane qene cobenje.
-Meqë ra llafi te shkolla e lartë që keni? Si po shkojnë regjistrimet?
Ultra Kaso! U mbytëm me student nga të gjitha konkurset e bukurisë që zhvillohen në rang qytetesh. Po shikojmë si mundësi të marrim edhe miss-et e fshatrave. Por shoqëri konservatore shume kjo e jona,, akoma nuk adam-smithosemi ne.
-Si thatë, z Çili?!
Thashë që akoma nuk adamsmithosemi si shoqëri. Dmth akoma nuk liberalizohemi, që të organizojmë spektakle miss-esh edhe në fshatra dhe aty të sponsorizoj organizimin e tyre, e me këtë rast, thith edhe studente të zonës.
-Po proçesi i punësimit të studentëve, si shkon?
Më plasi trapi mua, punësohen, a jo ata. Ne jemi ekonomi vari trapin, ku më shumë reklamë bën UET, sesa Bankat. Nejse, këtë ti mos e shkruaj Kaso. Ti shkruaj ; Katër nga tre student që mbarojnë në universitetin tim, gjejnë punë.
-Si është e mundur kjo, z.Çili?! Gjithë kjo papunësi në vend dhe studentët tuaja arrijnë të punësohen?..
Është meritë e përzgjedhjes, Kaso. Në shkollën tonë siç të thashë vijnë përgjithësisht djemte e biznesmeneve dhe vajzat e spektakleve. E kush nga biznesmenët nuk do të ketë në staf një ?miss?./Helidon TAHIRAJ