E fundit!

19:00 Aktualitet

Vendimi për Ikballe Berishën/ Lamallari jep detaje: Informacione nga inteligjenca, ka edhe urdhër dëbimi

Ministri i Punëve të Brendshme, Besfort Lamallari, ndau so...

"Luftë" në analizën e PD Pogradec/ Fahriu kërkon drejtimin e degës

27 Tetor 2015, 19:23, Aktualitet CNA

Një atmosferë me debate të forta, ofendime dhe sharje ka shoqëruar analizën e Partisë Demokratike në degën e Pogradecit. Në këtë analizë merrnin pjesë edhe Sekretari i PD-së Arben Ristani,deputeti Gjergji Papa ,të deleguar të PD-së si edhe Fahri Balliu.

Mësohet se të gjithë kanë qenë kundër kreut aktual të PD-së në Pogradec, Renato Preza në lidhje me raportin që ai kishte përgatitur për zgjedhjet lokale të 21 Qershorit për bashkinë e Pogradecit,ku PD doli fituese ndaj maxhorancës së majtë.

Bëhet me dije se raporti i Prezës është hedhur poshtë nga Sekretari i PD në Pogradec Luan Lipo i cili kishte përgatitur tjetër raport nga ai i kryetarit të partisë dhe ku kishte vënë në dukje sipas burimeve problemet dhe mosangazhimin e Prezës në fushatë dhe në fund kanë kërkuar dorëheqjen e tij dhe ristrukturim të plotë të PD-së në Pogradec,gjë që është kundërshtuar edhe nga vetë Preza.

Përçarja dhe përplasja është nxitur nga Fahri Balliu, i cili kërkon të ketë kontroll të degës së PD-së në Pogradec dhe të kandidojë për deputet në Qarkun e Korçës. Sharje dhe fyerje ka pasur dhe ndaj ish-deputetit Eris Hoxha, i cili ka qenë mbështetës i kreut të degës Renato Preza. Gjithçka ky konflikt është nxitur nga Fahri Balliu nëpërmjet ish-kreut të degës, sot Sekretar Luan Lipo.

Ky i fundit ka qenë kreu i PD-së në këtë qytet dhe e dorëzoi detyrën pas zgjedhjeve të kaluara, ku PD për shkak të tij dhe deputetit Fatbardh Kadillit, morën rezultatin më të ulet historik. Lipo njihet si njeriu i Balliut dhe pazareve në PD-në e Pogradecit. Gjatë kohës kur u emërua Kryetar, ai u përfol për korrupsion dhe klientelizëm në lidhje me emërimet në administratë. Sekretari i degës së bashku me disa personazhe të tjerë kërkojnë t?i shtrojnë rrugën Balliut si kandidat për deputet dhe ky është thelbi i konfliktit që inspirohet, nxitet dhe shtyhet çdo ditë nga Fahri Balliu dhe kasta e tij. Kujtojmë se Fahri Balliu ka çuar kreun aktual të Bashkisë, Eduard Kapri tek Ilir Meta fillimisht, deklarim ky publik në fushatë i kreut të kuvendit dhe pas refuzimit nga Meta. Kapri kandidoi për PD-në pasi Fahriu e çoi tek Lulzim Basha.

Ndërkohë që është kërkuar dorëheqja e kryetarit me arsyen se lista emërore e këshilltarëve të bashkisë është vendosur nga vetë kreu i partisë i cili sipas tyre asnjëherë nuk ka marrë mendimin e tyre por thjesht ka vendosur pa i pyetur ata.

Burimet thanë gjithashtu se ka një emër që është propozuar për të qenë në krye të PD në Pogradec dhe ai është kryebashkiaku Eduart Kapri. Gjithsesi mbetet për t?u parë se çfarë do të ndodhë, pasi kreu aktual nuk mund të shkarkohet sepse është zgjedhur me votat e bazës së PD-së. E vetmja rrugë për zëvendësimin e tij është dorëheqja,por që kjo e fundit as nuk bën vaki ka deklaruar Renato Preza. ?Është e vërtetë se ka një klan kundër meje?- tha ai per pogradecinews , ?që për përfitime personale e dëshirojnë dorëheqjen time,por nuk janë ata PD-ja në Pogradec.? ?Unë jam zgjedhur me vota të demokratëve dhe do përmbush zotimet që kam marrë? ka deklaruar Preza. ?Edhe pse situata është e vështirë, unë jam duke e menaxhuar me gjakftohtësi? përfundoi kreu i PD-së Pogradec Renato Preza.