web counter
LEXO PA REKLAMA!

SHKARKO APP

App Store
Google Play

Veliaj: Tirana një histori suksesi

18 Tetor 2015, 11:37, Aktualitet CNA

Kryebashkiaku i Tiranës, Erion Veliaj ka folur për mediat gjatë aktiviteteve të ditës së sotme kushtuar sensibilizimit për luftën kundër kancerit të gjirit, Tiranës pa makina për një ambient dhe ajër më të pastër, si dhe për dhurimin për njerëzit në nevojë, në kuadër të ditës së lumturimit të Nënë Terezës, që do të festohet të hënën.

?Faleminderit për kontribuesit që e kanë bërë Tiranën në histori suksesi. Sot është dita e dytë dhe shpresojmë që ta shpejtojmë në të paktën dy herë në muaj. Është dita e dytë që sipas të dhënave të ndotjes së ambientit tregojnë një ulje të ndjeshme të ndotjes në ajër. Dita pa makina e sotme përkoi edhe me ditën e sensibilizimit me luftën kundër kancerit të gjirit, në betejën e tyre kundër kësaj sëmundjeje tumorale me më shumë kontrolle mamografie. Shumë prej aktivistëve sot u morën me pedalime, e shumë aktivitete të tjera, sikurse edhe me koshat e dhurimit në Tiranë të menaxhuar nga këta aktivistë. Gjithnjë do të ketë njerëz të varfër dhe të pasur, siç edhe ka, ndërkohë që gjithnjë ata që japin vlerësohen për zemërgjerësinë e tyre, sepse më shumë fitojnë ata që japin sesa ata që marrin. Suksesi i kësaj dite të dytë do të vijojë pse jo të përshkallëzohet gjatë ditëve të ardhshme të ditëve pa makina, derisa ta kthejmë në një traditë që qytetin të mos ua përshtasim makinave, por njerëzve dhe banorëve të tij që duan të jetojnë me një ajër më të pastër dhe me një jetë më të shëndetshme. Falënderoj edhe mediat për mbështetjen dhe durimin gjatë aktiviteteve të sotme?, tha kryetari i Veliaj.





Lajmet e fundit nga