web counter
LEXO PA REKLAMA!

SHKARKO APP

App Store
Google Play

E fundit!

x

Rama debat me koordinatoret e rajoneve

14 Tetor 2015, 06:23, Aktualitet CNA

Kryeministri Edi Rama duket se është thellësisht i pakënaqur nga performanca dhe angazhimi i gjashtë koordinatorëve në rrethe, sa i takon ristrukturimit, zgjedhjeve dhe reformimit të Partisë Socialiste, në kuadër të sfidës së zgjedhjeve të 2017. Shefi i qeverisë, mëngjesin e djeshëm, ka zhvilluar një takim me koordinatorët e Partisë Socialiste në gjashtë rajonet e vendit, për të diskutuar problematikat dhe sfidat e procesit të riorganizimit të partisë. Sipas burimeve, kryeministri Edi Rama, ka qenë mjaft i tensionuar, ndërsa ka shpërthyer në kritika ndaj koordinatorëve. Kritikat i janë adresuar dy anëtarëve të kabinetit qeveritar, të cilëve Rama u ka besuar punët e brendshme të partisë në dy rajone të rëndësishme.

Rama ka shpërthyer ndaj ministrit të Jashtëm, Ditmir Bushati, të cilit pothuajse i ka dalë situata nga duart në Qarkun e Shkodrës, për shkak të debateve dhe zemëratës së bazës së Partisë Socialiste. I informuar nga përfaqësuesit e partisë në nivel lokal si dhe nga shumë letra i shkojnë nga baza, Rama i ka kërkuar ministrit Bushati një prezencë më të madhe në dy qarqet që ka nën përgjegjësi. Sipas burimeve, Rama është ka shprehur rezerva sa i takon ritmit të përgatitjeve të deritanishme në raport me sfidën e vështirë të zgjedhjeve të 2017.

Teksa takimet e Bushati në Shkodër janë karakterizuar nga debate dhe amulli, ministrja e Arsimit, Lindita Nikolla, nuk ka zhvilluar asnjë takim në Qarkun e Dibrës, ku PS humbi dy bashki të rëndësishme. Në fokus të takimit të Ramës me koordinatorët mësohet se ka qenë çështja e zgjedhjeve në forumet e Partisë Socialiste, raporti tejet problematik me bazën, sfida e punësimit të mbështetësve të PS, emërimet nepotike, verifikimi i anëtarësisë, etj.





Lajmet e fundit nga