E fundit!

18:12 Aktualitet

“Shqipëria nuk është në shitje!”/ Diaspora proteston kundër qeverisë

Protestat e fundit që zhvillohen në vend duket se kanë për...

Basha takim me fermerët e Vranishtit: Karteli i kontrabandistëve sjellin prodhime pa doganë

13 Tetor 2015, 20:29, Aktualitet CNA

Kryetari i Partisë Demokratike, Lulzim Basha ka zhvilluar takime me fermerët në Vranisht, në kuadër të turit ?Fjalën e kanë qytetarët?. Fokus kryesor i takimeve me këta fermerë, ishte pamundësia e tyre për të shitur prodhimet bujqësore, për shkak të aksionit ndaj informalitetit, ndërmarrë nga qeveria.

Ndërsa kryetari Basha i ka garantuar fermerëve se opozita do të bëjë gjithçka për të siguruar tregun, duke i prerë rrugën kartelit të kontrabandistëve që sjellin prodhimet nga jashtë pa doganë e pa taksa.

Qëndrimi i kryetarit Lulzim Basha për takimin e tij në Vranisht:

Në vijim të turit “Fjalën e kanë qytetarët”, u takova me fermerët në Vranisht të cilët më shprehën shqetësimet për mungesën e tregut, rritjen e kostos së prodhimit si pasojë e rritjes së çmimit të naftës, energjisë, plehrave etj.

?Eja me mua dhe shihi mollët. 5 leka është kilogrami i tyre, turp i madh. Gjynah!?

?Drejtori i Bujqësisë na foli në televizor që kemi 28 milionë ilaç për të hedhur për minjtë. Ne po na hipën minjtë nëpër mollë. Bie ajo mollë e mirë poshtë, atë mollë nuk e ha dot se na e ha miu. Doli në televizor hodhi në një parcelë, nga hodhi dhe i futi gjithë paratë në xhep?.

?Gjithë këto prodhime kaq të bollshme, kaq cilësore të mos përfillen nga ata që drejtojnë, kjo është katastrofë dhe këtu duhet të përqendrohet edhe politika e opozitës.?

?210 lekë ka vajtur kostoja e kësaj qepe, unë me 220 lekë po eshes?.

?Ne fasulet i kemi tërë në shtëpi. Pyeti të gjithë këta, kanë nga 10 kuintalë. Sivjet kanë përsëri u bënë 20 kuintal, të tërë i kanë në shtëpi. E kemi stok mallin. Nuk e dimë se çfarë do të bëhet, është gjynah, djers e lekë e harxhuar e këtij populli. Është katastrofë, katastrofë.?

?Duam të ulet kostoja e shpenzimeve, pikërisht nafta. E dyta, plehrat kimike dhe pesticidet, dhe njëkohësisht nëpërmjet politikave qeveria të rrisë diçka akcizën në doganë, dy- tre muajt e vjeshtës sa të shitet prodhimi vendas. Kaq do fshatari dhe të heq kapelën.?

I garantova fermerët se ne do të bëjmë gjithçka për të siguruar tregun, duke i prerë rrugën kartelit të kontrabandistëve që sjellin prodhimet nga jashtë pa doganë e pa taksa dhe konkurrojnë djersën tuaj dhe fëmijëve tuaj. Rrugët e zgjidhjes kalojnë përmes ndihmës financiare drejt të sektorit bujqësor. 12 milionë në vitin më të keq ka qenë ndihma financiare në qeverinë e mëparshme, 6 milionë është këtë vit. Pa derdhur minimalisht tre herë më shumë në vit se ç’kemi dhënë ne në vitin më të mirë, bujqësia nuk ka për të parë ditë të bardhë.

Ne do të ulim çmimin e naftës me 240 lekë për litër, do të vendosin taksën e sheshtë më të ulët në Europë prej 9 përqind. Në fshat, përveç taksës së tokës e cila duhet të mos kalojë kurrsesi nivelin e 3500 lekë të vjetra, nuk do të ketë asnjë taksë tjetër.