web counter
LEXO PA REKLAMA!

SHKARKO APP

App Store
Google Play

E fundit!

x

Bandat shqiptare drejtojnë trafikun e refugjatëve

13 Tetor 2015, 20:52, Aktualitet CNA

Bandat kriminale shqiptare po drejtojnë trafikun e emigrantëve në qendër të Bashkimit Europian. Ky është konstatimi shqetësues që vjen nga burime të Këshillit të ministrave të Bashkimit Europian, i bazuar në të dhënat e servirura nga disa shtete anëtare të Bashkimit Europian.

Sipas këtyre të dhënave, në pak muaj, bandat shqiptare kanë arritur të kryesojnë trafikun e emigrantëve në Gjermani, Hollandë, Belgjikë dhe Francë. Specialiteti i bandave shqiptare rezulton të jetë kalimi i mijëra refugjatëve së shumti përmes furgonave, kamionëve dhe mjeteve të tjera të transportit nga pjesa kontinentale e Europës në Mbretërinë e Bashkuar. Rezulton, se bandat shqiptare, kanë arritur të krijojnë struktura që janë vazhdimisht në ndryshim e sipër dhe të fitojnë të  ardhura të majme, që kapin nivelin e qindra mijëra eurove në muaj për person.

Madje per të përditshmen franceze «  Le Figaro », që i ka kushtuar një nga kopertinat e saj aksionit të bandave kriminale në kampet e refugjatëve, trafiku i emigrantëve nga bandat shqiptare dhe irako-kurde në Francë, ka arritur vetëm në disa javë të kapë një përfitim në nivelin e 350.000 eurove. Por duket se bandat shqiptare janë « edhe më të zotë se të tjerët ». Artikulli  « Le Figaro » i referohet ndër të tjerash burimeve të policisë franceze gjatë shkatërrimit të një bande shqiptare, të përbërë prej një organizatori dhe 4 trafikantësh që po bënte kërdinë me transportimin e emigrantëve.

« Zbuluam, se çdo emigrant duhej të paguante 6 deri në 7 mijë euro për të kaluar në Mbretërinë e Bashkuar. Në tërësi, janë 300 persona që kanë përfituar nga kjo strukturë ,që ka sjellë një përfitim prej 2 milion eurosh. Pra, secili prej shfrytëzuesve ka futur në xhepa 400.000 euro » citohen të jenë shprehur burimet policore franceze për « Le Figaro ». Bandat kriminale shqiptare përfliten gjithashtu të jenë më të egrat gjatë larjeve të hesapeve për të kontrolluar parkingjet apo autostradat, ngaku « ngarkohen » edhe emigrantët

Ndërkohë, vetëm pak ditë më parë, Gjykata e Krimeve të Brukselit ka dënuar një bandë shqiptare prej 11 personash të specializuar në kalimin e emigrantëve nga Belgjika në Mbretërinë e Bashkuar. Dënimet që janë vendosur nga Gjykata e Krimeve të Brukselit janë dy deri në gjashtë vjet burgim, ndërkohë që gjobat janë përcaktuar në nivelin 6 mijë euro për viktimë.

Por Gjykata ka dashur tê japë njê mësim tê fortë për trafikantët, duke dënuar njërin prej trafikantëve shqiptarë me një gjobë prej 324 mijë euro. Nga të njëmbëdhjetë shqiptarët në bankën e të akuzuarve, pesë  prej tyre mbaheshin tashmë në paraburgim nga autoritetet belge.

Banda shqiptare është dënuar me motivin, se ka kaluar me qindra persona në mënyrë të paligjshme në Mbretërinë e Bashkuar. Sipas prokurorisë së Brukselit, banda shqiptare kishte kryer rreth njëqind udhëtime nga Belgjika në Mbretërinë e  Bashkuar, duke dërguar me qindra emigrantë në ishullin britanik. Banda shqiptare pêrdorte dy mënyra për transportin e emigrantëve: njëra nga një parking të vendosur përgjatë autostradës  E40  me njê kosto prej 3 mijë euro pêr person, tjetra  edhe e sigurtë përmes transferimit nëpërmjet Holandës  me një kosto prej 6000 eurosh për person.





Lajmet e fundit nga