Kuçedër

11 Shtator 2015, 20:01, Opinione CNA

Nga Edison Ypi

Ende gjallë je moj kuçedër, moj vampire, moj kriminele ? Më mirë që s?ke vdekur. Vazhdo të jetosh. Edhe më tepër. Edhe shumë më tepër. Përgjithmonë. Që të mbetesh në jetë të jetëve as e gjallë as e varrosur, as e vdekur as e groposur, 200 vitet e ardhëshme ik rri krruspull diku pranë Shtish Tufinës. Pas kësaj vuajtjeje paraprake, do të kapin reumatizmat. Të gjitha llojet e reumatizmave dhe artriteve, që do bëjnë të të dhembin të gjitha kockat dhe mishrat. Kjo lemeri kockore do vazhdojë derisa këto dhimbje të barazohen deridiku me dhimbjet reumatike e të paktën njërës prej atyre mijëra familijeve të pafajshme që bëre sa mund për t’i kalbur gjithë jetën qelive të burgjeve dhe baltrave të internimeve. Reumatizmat do të zgjasin nja 400 vjet të tjera derisa të gjitha kockat të jenë zbutur dhe sytë e thatë dhe të ftohtë të kthehen si i ke pasur, gremina që rrëzonin fate, hone që vdisnin ëndërra kur nga goja të dilnin vetëm britma komitetesh dhe urdhëra pushkatimesh. Pastaj do hash sipas shijes tënde prej krimineleje dhe dëshirës prej kurvi pervers të tyt shoqi; menu sloganesh varur mbi mure të pista kooperativash bujqësore, bukë me baltë varri sipas sloganit; ?Bar do hamë dhe parimet nuk i shkelim?. Edhe do vishesh e do mbathesh. Gjatë behareve s?ësht problem. Gjatë dimrave do hedhësh mbi supe një kapotë të grisur zborri gjith zhul. Do mbathësh pa çorape çizme të shqyera llastiku nga të minatorëve. Që të mos të ngjiten zorrët, edhe do pish diçka, ujë pellgjesh varresh. Kjo lloj jete fshataro-ushtarake, ka një të metë, lë mënjanë një element të domosdoshëm pa të cilin vampirizmi yt mbetet i mangët, ?kllasën puntore?. Mos u shqetso. ?Kllasa punëtore? do vijë shumë shpejt kur trupi të mbushet plot me morra. Jo morra të çfardoshëm. Morra proletarë nga ata të fjetoreve të veprave të pesëvjeçarëve. Për tu ngrohur gjatë dimrave mos mbaj sobë. Ngrohu sa të mundesh duke u dridhur kur të kujtosh gjakun që ke derdhur dhe krimet që ke bërë. Do kalojë koha dhe me jetën e re të krimeve të vjetra do jesh? mësuar. Do nisësh të lexosh libra. Për shembull atë librin me letrat e zgjedhura të kurvit. Përmes rënkimesh prej librit me letra dhe të tjerave lexime, do prekesh shpirtërisht. Sidomos nga letrat që kurvi i dërgonte popullit të Gjirokastrës, Zhoao Amazonës, dhe rrugaçëve anembanë botës. Do presësh edhe miq, dhe bashkë me ta? do bëni qokat e dikurshme, do festoni datat jubilare etj. Miqtë do jenë veteranë që do ngrihen nga varret për të ardhur pranë teje. Ti krruspull në mes, veteranët plot baltë varri rrotull teje, do kujtoni objektivat, sukseset, telat me gjëmba, rrahjet, spiunimet, internimet, arrestimet, burgosjet, pushkatimet, etj. etj. Pakngapak do rrjedhësh nga trutë. Do fillojë ajo rrjedhje. Se Perëndia nuk mund edhe ta fali përjetësinë edhe ta lëri trurin qiqërr. Me rrëkeza nëpër turi të atij lëngut të trashë që quhet tru, do t?i lutesh Perëndisë për faljen e mëkateve, shpëtimin e shpirtit. Do jetë e kotë. Edhe ty që t?i numurosh, edhe Perëndisë që t?i dëgjojë mëkatet e tua, koha e pafundme nuk mjafton. Perëndia do dëgjojë sa do dëgjojë, dhe nga marazi do nisi të qajë, dhe shpirti do t?i plasi, dhe kohën do ta ndali, dhe botës fundin do t?i sjelli. Do pyesin; Çmoshë kishte ? Do përgjigjen; S?kishte moshë. Ishe e zeza e njerëzisë.