web counter
LEXO PA REKLAMA!

SHKARKO APP

App Store
Google Play

E fundit!

x

Meta: Nuk ka ftohje me PS, LSI nuk e ka per qellim te qenit ne pushtet

31 Korrik 2015, 16:49, Politikë CNA

Kryetari i Kuvendit Ilir Meta e cilëson si pozitiv bilancin e punimeve të Kuvendit gjatë këtij viti. Ai e vlerëson pozitiv sesionin parlamentar që sapo përfundoi, duke shtuar se filloi me kthimin e opozitës në Parlament, e cila bojkotoi për një periudhë Kuvendin. Gjatë një interviste për ?Vizion Plus? Meta thotë se është për të ardhur keq që ende ka një konflikt të ekzagjeruar midis opozitës dhe qeverisë. Megjithatë ai shton se duket qartë që opozita ka më shumë hapësira se asnjëherë tjetër. Lidhur me çështjen ?Doshi? kryeparlamentari shprehet se kjo është një çështje që i takon drejtësisë dhe ndoshta i vetmi person në këtë vend që nuk ka lidhje me një çështje të tillë është Ilir Meta. ?Unë kam qenë dhe jam shumë i qetë , drejtësia të bëjë punën e saj?, shprehet Meta. Sa i takon raportit të DASH, dhe reagimit të ambasadës së SHBA se në Parlamentin shqiptar ka një deputet me rekorde kriminale, ai nënvizon se, ?Është e qartë dhe besoj se ka një dakordësi të gjerë që nuk mjafton më apo nuk duhet të mjaftojë më vetëm dëshmia e penalitetit për të qenë një kriter apo një standard për t?u zgjedhur apo për t?u emëruar në një funksion publik?. Ai shton më tej se lidhur me procesion e dekriminalizimit ekziston një komision i përbashkët i cili nuk arriti të gjejë konsensusin për të bërë dicka më të shpejtë në rastin e zgjedhjeve vendore, sepse sipas tij, dekriminalizimi është kthyer edhe në një lojë politike. I pyetur nëse ka ftohje të raporteve PS-së dhe LSI-së pas zgjedhjeve, ai deklaron se ?Nuk shoh tym aspak, mendoj që zgjedhjet në përgjithësi kanë vajtur shumë mirë dhe e thashë edhe një herë tjetër, nuk mund të prisnim as ne e askush dhe nuk do të ishte mirë që të fitoheshin të 61 bashkitë?. Ai nënvizon se LSI ka qenë dhe do të vazhdojë të jetë tepër korrekte dhe luajale në raportet a me PS-në si forca kryesore e koalicionit, por edhe me të gjithë forcat e tjera, sepse sipas tij korrektesa është baza e të gjithë suksesit e LSI-së. Pyetjes nëse LSI-ja e ka të mbyllur kapitullin e bashkëpunimit me PD-në, Meta iu përgjigj me fjalët se nuk është aspak e rëndësishme për t?u marrë me hamendësime të tilla. ?Për ne është e rëndësishme që LSI-ja t?i shërbejë vendit në drejtim të qeverisjes, t?i shërbejë vendit si një forcë opozitare e përgjegjshme dhe konstruktive pra në çdo pozicion që qytetarët mendon që kjo forcë u shërben atyre. LSI-ja nuk është një forcë që duhet të jetë patjetër në pushtet dhe duhet të jetë patjetër një herë me njërën dhe një herë me tjetrën apo ku di unë. LSI është një forcë që është në funksion të interesit të vendit dhe të qytetarëve shqiptarë?, thotë Meta.





Lajmet e fundit nga