web counter
LEXO PA REKLAMA!

SHKARKO APP

App Store
Google Play

E fundit!

x

Vlore, ben betimin kryebashkiaku i ri, Dritan Leli

31 Korrik 2015, 13:05, Politikë CNA

U zhvillua në ambjentet e teatrit ?Petro Marko? ceremonia zyrtare e konstituimit të Këshillit Bashkiak të Vlorës dhe betimi i kryetarit të ri të bashkisë së këtij qyteti, Dritan Leli.

Të pranishëm në këtë event kanë qenë ministri i Pushtetit Vendor Bledi Çuçi, nënkryetarja e Parlamentit Valentina Leskaj, si dhe deputetët Koço Kokëdhima, Fatmir Toçi, Mira Shehu dhe Shkëlqim Selami. Ndërkohë, nuk mungoi ish-kryetari i bashkisë, Shpëtim Gjika, i cili ndoqi nga lozha e teatrit ceremoninë e konstituimit.

Gjithësej do të jenë 40 këshilltarë, 29 nga Aleanca për Shqipërinë Europiane dhe 11 nga Aleanca Popullore për Punë dhe Dinjitet.

Pas procesit të zgjedhjes së kryetarëve të këshillit, këshilltarët e rinj të bashkisë bënë betimin tradicional. Kryetare u zgjodh Vojsava Shkurtaj, ndërsa nënkryetare Denada Meçorapaj.

Pas betimit, kreu i ri i Bashkisë së Vlorës, Dritan Leli falenderoi qytetarët për besimin që i dhanë, ndërsa premtoi se çdo ditë të mandatit të tij do t?i shërbejë qytetarëve, ?të cilët në çdo kohë do ta gjejnë të hapur derën e bashkisë?.





Lajmet e fundit nga