web counter
LEXO PA REKLAMA!

SHKARKO APP

E fundit!

x

Basha takim me zyrtarët e lartë austriakë: Po rrezikohet e ardhmja e Shqipërisë

29 Korrik 2015, 09:11, Politikë CNA

Kryetari i Partisë Demokratike, Lulzim Basha priti në takim Drejtori Politik të Ministrisë së Jashtme Austriake, Jan Kickert dhe Drejtorin për Ballkanin Perendimor, Johannn Sattler.   Duke iu folur për zhvillimet e brendshme, Basha tha se vendi po bën kthim mbrapa dhe zhbërja e standardeve demokratike rrezikon seriozisht të ardhmen e Shqipërisë.

Kryetari i Partisë Demokratike njohu diplomatët e lartë austriakë me “shkeljen e rëndë të standardeve në zgjedhjet e fundit, me blerjen  masive të votave, me ushtrimin e presionit mbi zgjedhësit, me përfshirjen e administratës dhe institucioneve publike në skemën e trysnisë ndaj votuesve, me kandidimin e personave me të shkuar kriminale”.

Basha tha se inkriminimi i administratës dhe i politikës deri në nivelin e Parlamentit, janë shqetësim i madh për vendin, duke shtuar se pa çuar deri në fund dekriminalizimin për të cilën Partia Demokratike është e vendosur, Shqipëria nuk mund të ketë të ardhme europiane.   Basha gjithashtu informoi zyrtarët e lartë të vendit mik se keqqeverisja po sjell pasoja dramatike në ekonomi dhe po shkakton padrejtësi të vazhdueshme çka po nxit dhe numrin e lartë të bashkqytetarëve që ikin nga vendi dhe kërkojnë azil në Europë.

Ky eksod në rritje i shqiptarëve po merr përmasa shqetësuese duke vënë në rrezik lëvizjen e lirë pa viza të shqiptarëve në hapësirën Shengen, një e drejtë e fituar me shumë mund e përpjekje.   Kryetari i Partisë Demokratike theksoi se krimi, korrupsioni dhe dhunimi i votës së lirë janë kthyer në pengesë dhe kërcënim të madh për zhvillimin e Shqipërisë dhe përparimin e saj në rrugën e integrimit europian.





Lajmet e fundit nga