web counter
LEXO PA REKLAMA!

SHKARKO APP

App Store
Google Play

PD reagon pas vdekjes se minatorit ne Bulqize: Qeveria i ka harruar

27 Korrik 2015, 15:01, Politikë CNA

Partia Demokratike reagon ndaj vdekjes së një minatori ditën e sotme në Bulqizë. PD shpreh keqardhjen për vdekjen e minatorit Mehmet Dardha dhe ngushëllon familjarët e tij. Deputetja Albana Vokshi duke folur pasditen e sotme nga selia blu, denoncoi atë që e quajti neglizhencë dhe braktisje totale nga qeveria të minatorëve, të cilët i cilësoi kategori në risk të vazhdueshëm që punojnë në kushte shpesh ekstreme për të mbajtur familjet e tyre. ?Prej dy vitesh, numri i minatorëve që kanë humbur jetën në galeritë e nëntokës ka arritur në nivele të frikshme, dhe megjithëse ngjarjet e rënda po përsëriten, qeveria dhe Edi Rama vazhdojnë të tregojnë mungesë ndjeshmërie, mungesë masash për siguri e kushte të mira pune, duke i lënë minatorët në harresë?, u shpreh Vokshi. Ajo tha se ngjarjet dramatike dhe qëndrimet e qeverisë po vërtetojnë hipokrizinë e Edi Ramës dhe njerëzve të tij, të cilët kur ishin në opozitë nxitonin të përfitonin politikisht për çdo vdekje minatori dhe përbetoheshin se ata do ta ndryshonin gjendjen e tyre. Sipas saj, sot ka përkeqësim, dhe për dy vite ka 23 jetë të humbura nëpër galeri, më shumë se në dy dekada së bashku, dhe Edi Rama nuk gjen asnjë minutë kohë as për të shprehur ngushëllime. Vokshi e mbylli qëndrimin e saj duke thënë se Edi Rama mashtroi minatorët dhe i shfrytëzoi edhe ata si shumë të tjerë, vetëm e vetëm për të ardhur në pushtet dhe se sot, ai nuk do t?ia dijë se çfarë ndodh as nën tokë dhe as mbi tokë me qytetarët e vendit.





Lajmet e fundit nga