web counter
LEXO PA REKLAMA!

SHKARKO APP

E fundit!

x

Shtimi i zgjedhësve në Durrës, zbulohen adresat fiktive të votuesve

4 Qershor 2015, 06:47, Politikë CNA

Emisioni ?Ça thu? në ?Agon Channel? tregoi dje katër raste të votuesve të regjistruar në Durrës, por që nuk banojnë në këtë qytet.

Në emision thuhet konkretisht se në Pallatin 23, në Lagjen 7 të Durrësit janë regjistruar 150 persona shtesë, ndonëse pallati është i vogël.

Banorët që jetojnë aty konfirmuan se nuk njohin asnjë prej votuesve të regjistruar në listën e votuesve që kanë atë adresë banimi.

Një rast tjetër përfshinte edhe ambientet e një ish-garazhi pranë zonës të Portit, ku ishin regjistruar 24 votues të tjerë. Po ashtu gjatë emisionit u njoftua se në një pallat në ndërtim ishin regjistruar 47 votues. Një tjetër rast lidhej me regjistrimin e tre personave në një lulishte në qytet.

Partia Demokratike në Durrës ka akuzuar se janë rreth 2800 votues të importuar nga jashtë Durrësit. Dosja e plotë e këtyre regjistrimeve fiktive i është dërguar prokurorisë dhe një kopje të saj kandidatja e djathtë për Durrësin, Grida Duma ia dorëzoi shefes së Misionit të OSBE/ODIHR, Audry Glover.

Më herët, Partia Demokratike denoncoi me video nëpërmjet nënkryetarit të PD-së, Edmond Spaho, se si qytetarë nga Preza kishin emrin në Durrës./MAPO





Lajmet e fundit nga