E fundit!

17:50 Kronika

Morën ryshfet nga shoferi/ AMP arreston në flagrancë 2 punonjës policie

Agjencia e Mbikëqyrjes Policore ka arrestuar në flagrancë ...

Bashkia e Tiranës: Kryebashkiaku ka të njëjtat të drejta dhe detyrime si të gjithë qytetarët e tjerë të bashkisë

3 Qershor 2015, 09:01, Politikë CNA

Bashkia e Tiranës ka reguar pas denoncimit të Erion Veliajt ditën e sotme për shtesën e bërë nga kryebashkiaku Lulzim Basha.

Në deklaratën për media të Bashkisë së Tiranës theksohet se Veliaj gënjeu me paturpësinë e tij karakteristike.

Sipas saj, praktika në fjalë është publike, transparente dhe është kryer në përputhje me ligjin për parandalimin e konfliktit të interesit, pas një komunikimi zyrtar me ILDKPI, e koantrolluar nga qeveria aktuale.

Deklarata e plotë e Bashkisë së Tiranës

Në një akt të pashpresë dëshpërimi për refuzimin që po i bëjnë përditë qytetarët e Tiranës, kandidati i mirëqenies personale gënjeu edhe sot me paturpësinë e tij karakteristike. Praktika në fjalë është publike, transparente dhe është kryer në përputhje me ligjin për parandalimin e konfliktit të interesit, pas një komunikimi zyrtar me ILDKPI, e kontrolluar nga qeveria aktuale. Afati i kësaj praktike të pazbatuar ka mbaruar më 1 dhjetor 2014.

Kryebashkiaku ka të njëjtat të drejta dhe detyrime si të gjithë qytetarët e tjerë të bashkisë. Por, këtë e ka të vështirë ta kuptojë dikush, që për dy vite e përdori pushtetin vetëm për mirëqenien e tij personale dhe asetet e shtetit në funksion të tij. Mashtrimet bajate nuk e shpëtojnë dot kandidatin e mirëqenies personale nga gjykimi me votë për abuzimet me pushtetin, që nga tenderat për familjarët, vila e deri tek përdorimi i aseteve dhe fondeve publike për dasma e ahengje. Gënjeshtrat dhe mashtrimi janë të vetmet produkte false dhe të shtirura, si vetë kandidati i frustruar i mirëqenies personale