web counter
LEXO PA REKLAMA!

SHKARKO APP

App Store
Google Play

Zbardhet takimi i Lu me kryetaren dhe anëtarët e KQZ: Institucioni, rol jetik në ruajtjen e demokracisë, keni mbështetjen e SHBA

2 Qershor 2015, 11:40, Politikë CNA

Kryetarja Lefterije Luzi dhe Anëtarët e Komisionit Qendror të Zgjedhjeve kanë pritur në një takim Ambasadorin e Shteteve të Bashkuara të Amerikës në Tiranë, Donald Lu.  Qëllimi i takimit ishte njohja e Ambasadorit me përgatitjet që Komisioni Qendror i Zgjedhjeve po bën për zgjedhjet vendore, të datës 21 Qershor.

Kryetarja e KQZ, Lefterije Luzi, pasi e ka falënderuar Ambasadorin për mbështetjen që ambasada dhe qeveria amerikane i kanë dhënë KQZ përmes projekteve të ndryshme, në funksion të proceseve zgjedhore në Shqipëri, bëri një panoramë të vendimmarrjes së KQZ, projekteve të realizuara dhe punës së bërë deri tani nga Komisioni, në funksion të mirë organizimit dhe mirë administrimit të procesit zgjedhor.

Nga ana e tij, Ambasadori Lu përgëzoi KQZ për punën e tij, për të zbatuar Kodin Zgjedhor. Ai theksoi rëndësinë e të gjitha institucioneve zgjedhore, nga KQV tek KQZ e deri tek Kolegji Zgjedhor, për të zbatuar ligjin në mënyrë transparente dhe të përgjegjshme. Ambasadori nënvizoi rolin jetik të KQZ, për të ruajtur demokracinë shqiptare dhe bëri një paraqitje të mbështetjes së qeverisë së SHBA për vëzhgimin vendas dhe ndërkombëtar të zgjedhjeve.





Lajmet e fundit nga