Vlorë/ Dhunohen çadrat elektorale të kandidatit Genc Deromemaj

31 Maj 2015, 16:34, Aktualitet CNA

Dega e Partisë Demokratike në qytetin e Vlorës ka denoncuar dhunimin e çadrave elektorale të kandidatit të kësaj partie Genc Dermemaj.

Në deklaratën për shtyp PD-ja nënvizon se nuk ka ndodhur kurrë më parë, një dëmtim kaq masiv dhe kaq i organizuar, as në fushatat më të nxehta elektorale mes demokratëve e socialistëve.

Deklaratë e shtabit të Partisë Demokratike në Vlorë

Jemi sot këtu, për të denoncuar një ngjarje të shëmtuar e të paprecedent që ka ndodhur gjatë natës së 31 majit. Dëmtimin e katër çadrave elektorale të kandidatit të Aleancës Popullore për Punë e Dinjitet, Z. Genc Deromemaj. Nuk ka ndodhur kurrë më parë, një dëmtim kaq masiv dhe kaq i organizuar, as në fushatat më të nxehta elektorale mes demokratëve e socialistëve.

Nuk ka ndodhur kurrë që ethet e humbjes së sigurt të manifestohen dhunshëm në dëmtimin e sendeve promocionale të fushatës apo zbatimit provokues të hapësirave publike. Takimet e dështuara, sondazhet që ju kanë vulosur humbjen, mungesën e frymës, motivimit e besimit brenda tyre, nuk j?ua tjetërsojnë dëmtimi brutal i katër çadrave elektorale dhe aq më pak, qebaptoret publike, që çdo ditë e më shumë dhunojnë haptas psikologjinë e vlonjatëve.

Frustimin tuaj, mos ja shtoni halleve që kanë qytetarët tanë, e aq më pak imazhit të fushatës, që për ne do të jetë në çdo moment të saj, e qytetëruar. E në respekt te etikës dhe ligjit, i bëjmë thirrje kandidatit part-time, shtabistit për bashkinë e Vlorës, të distancohet nga veprime të tilla.

I kujtojmë gjithashtu se ëndrra e arkitekitektit, nuk nis me shkatërrimin. Paralelisht me të ju bëjmë thirrje krenaristëve e kanabistëve të rilindjes, të ruajnë qetësinë. Kjo është dora e tyre, sepse këto veprime nuk janë në traditën e socialistëve. I bëjmë thirrje gjithashtu organeve të drejtësisë, organizatorëve e partnerëve tanë ndërkombëtarë që monitorojnë zgjedhjet, ta shohin e regjistrojnë këtë rast të paprecedent, për t?i dhënë autorësinë ngjarjeve.

Ne dimë të japim përgjigjen e merituar.

Ne së bashku me qytetarët tanë, të cilët na besojnë se dimë të përcjellim dinjitet.

Kjo përgjigje është e afërt, vota e 21 qershorit.

Deri atëherë:

Ju ruani qetësinë:

Po me çadrat ç?patët?!