E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Çako takon homologun grek: Policia ka një gjuhë dhe një shtetësi, ja parimet që i bashkojnë punonjësit në çdo cep të globit

30 Maj 2015, 13:23, Aktualitet CNA

Drejtori i Policisë së Shtetit, Haki Çako, ka zhvilluar dje një vizitë pune në Greqi, ku është takuar me Dimitros Tsaknakis, Drejtor i Përgjithshëm i Policisë Greke. Takimi i Drejtorëve të Policisë dhe delegacioneve që i shoqëronin u zhvillua në Janinë.

Drejtori i Përgjithshëm i Policisë Greke, Dimitros Tsaknakis, ka uruar Çakon për detyrën dhe ka vlerësuar marrëdhëniet dhe bashkëpunimin mes dy Policive si mjaft të mira.

Ai ka shprehur vendosmërinë për t?i forcuar më tej bashkëpunimin dhe marrëdhëniet dy palëshe. Nga ana e tij, Çako e ka falënderuar homologun e tij për ftesën, duke i konfirmuar po të njëjtin vlerësim për marrëdhëniet dy paleshe dhe është shprehur se policin nuk e dallon dhe ndan gjuha apo shtetësia. Policia ka një gjuhë dhe një shtetësi, ligjin. Shërbim për të siguruar rendin dhe të luftojë krimin. Këto parime i bashkojnë punonjësit e policisë në çdo cep të globit. Takimi ka vijuar me diskutimin rreth disa tematikave aktuale si:

? Lufta ndaj krimit ndërkufitar dhe migracionit të paligjshëm

? Lufta ndaj krimit të organizuar;

? Lufta kundër terrorizmit;

? Rritja e bashkëpunimit ndërmjet dy policive tona;

? Diskutim i Draft-Marrëveshjes me Greqinë për ngritjen dhe funksionimin e Qendrës së Përbashkët të Bashkëpunimit Policor në Kakavijë.

? Finalizimin e protokollit të zbatimit të marrëveshjes së ripranimit të shtetasve të parregullt.

Gjatë takimit u ra dakord që:

? Të forcohet bashkëpunimi për parandalimin e Migracionit ilegal dhe Lufta ndaj krimit ndërkufitar .

? Të rritet dhe forcohet bashkëpunimi në fushën e krimit të organizuar, trafikut të drogave dhe trafikimit të qenieve njerëzore.

? Të rritet shkëmbimi i informacioneve për personat në kërkim, krimet e renda dhe aktet terroriste.

? Zhvillimin e operacioneve të përbashkëta me policinë greke në fushën e trafiqeve të paligjshme.

? Si dhe të punohet për finalizimin sa më shpejt të Draft-Marrëveshjes me Greqinë për ngritjen dhe funksionimin e Qendrës së Përbashkët të Bashkëpunimit Policor në Kakavijë.