E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Plani i Nikollës, ligji për arsimin e lartë miratohet pas mbylljes së universiteteve

30 Maj 2015, 08:56, Aktualitet CNA

Ministria e Arsimit, në bashkëpunim me Komisionin e Mediave, synon të miratojë ligjin e shumëdebatuar të arsimit të lartë pas mbylljes së universiteteve, me qëllim që vala e reagimit dhe protestës kundër draftit të jetë sa më e zbehtë. Drafti i kundërshtuar si asnjëherë më parë nga e gjithë bota akademike dhe studentët, edhe pse ka nisur të shqyrtohet prej disa ditësh në Kuvend ai pritet të miratohet vetëm kur studentët të kenë marrë pushimet verore.

Qëllimisht, Komisioni i Mediave dhe Edukimit, komision përgjegjës për shqyrtimin e draftit ka vendosur të zhvillojë vetëm nga një seancë në javë për ligjin në fjalë, me qëllim që ky proces të zgjasë deri në fund të sesionit parlamentar. Një tjetër arsye se përse drafti do të shtyhet deri në fund të sesionit parlamentar lidhet me zgjedhjet lokale të 21 qershorit. Miratimi i ligjit me arrogancë para zgjedhjeve mund të rrisë pakënaqësinë ndaj qeverisë, çka mund të kthehet edhe në votë kundër mazhorancës. Por arsyeja kryesore lidhet me reagimin e fortë të pedagogëve dhe studentëve.

Kuvendi duket se e ka të pamundur ta shqyrtojë dhe miratojë këto ditë ligjin, pasi të gjithë pedagogët dhe studentët mund të ngrihen në këmbë kundër Ministrisë së Arsimit, dhe mund të provokohen tensione sociale. Ndërkohë gjatë muajit korrik, periudhë kur pritet që drafti të kalojë në seancën parlamentare, pedagogë dhe studentë janë larguar nga universitete dhe në këtë mënyrë shkalla e reagimit do të jetë më e dobët. Një gjë e tillë u paralajmërua më herët edhe nga vetë studentë dhe pedagogët, të cilët i trembeshin këtij skenari, i cili ndodhi edhe një vit më parë, kur ky draft u kthye mbrapsht nga deputetët.

Debate në komision

Disa ditë më parë, deputetët e Komisionit të Medias dhe Edukimit vendosën që ligji për arsimin e lartë të diskutohet vetëm ditën e mërkurë në komisione. Duket se kjo nismë ka ardhur nga deputetët e mazhorancës, pasi deputetët e opozitës patën rezerva për këtë taktikë. Ishte deputeti Luçiano Boçi ai i cili u shpreh se nëse diskutimi do të jetë vetëm një ditë një javë, atëherë ku proces do të zgjasë disa muaj. Por pavarësisht kontestimeve u vendos që çdo të mërkurë të diskutohet për këtë ligj. Vetë Boçi tha se janë me dhjetëra grupet e interesit që kërkojnë të japin mendimin e tyre për këtë draft dhe koha do të jetë e pamjaftueshme. Sipas parashikimeve të vetë deputetëve të Komisionit të Medias, diskutimet do të zgjasin deri në muajin korrik dhe ligji do të votohet ndoshta në seancën e fundit plenare.

Zvarritja e ligjit për arsimin e lartë u kthye në objekt debati kohët e fundit. I pari ishte deputeti Sali Berisha ai i cili akuzoi mazhorancën se po ndjek sektorin për të diskutuar draftin kur të jenë mbyllur universitetet. Edhe vetë pedagogët të pyetur nga gazeta janë shprehur se ishin informuar për nisjen e diskutimit pas zgjedhjeve vendore. Por pas akuzave të ditëve të fundit ministrja e Arsimit prezantoi draftin në Komisionin e Medias.