E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ja kategoritë e spiunëve që do t’u zbulohen emrat

30 Maj 2015, 08:19, Aktualitet CNA

Një çerekshekulli pas rënies së dinastisë komuniste, një qeveri e majtë, partia e së cilës thonë se doli nga hiri i Partisë së Punës, ka vendosur të hapë dosjet e ish-Sigurimit të Shtetit, strukturës famëkeqe kyçe që mbajti në këmbë regjimin, me anë të zbulimit dhe disa herë shpikjes së armiqve të brendshëm dhe të jashtëm. Procesi i hapjes së dosjeve të Sigurimi të Shtetit dhe i zbulimit të spiunëve të Sigurimit do të nisë brenda 14 ditëve.

Kreu i shtetit ka firmosur ligjin, ndërsa Edi Rama e ka botuar ditën e enjte në Fletoren Zyrtare. Ndërkaq, SHISH, Ministria e Brendshme dhe Ministria e Mbrojtjes kanë nisur procesin e seleksionimit të dosjeve, për t?i vënë në dispozicion të autoritetit. Po si do të hapen dosjet e Sigurimit të Shtetit? Si do të bëhet identifikimi dhe mbledhja e dokumenteve komprometuese? Si mund të ketë akses një qytetet në dosjet e Sigurimit? Si do të zbulohen bashkëpunëtorët e Sigurimit? Ligji parashikon identifikimin dhe zbulimin e tre kategorive kryesore, me të shkuar të zezë komuniste si dhe bashkëpunëtor të Sigurimit. Kështu, ligji, pas 14 ditësh, mundëson zbulimin e bashkëpunëtorëve aktivë të ish-Sigurimit të Shtetit, sipas përcaktimeve të këtij ligji, apo denoncues ose dëshmitar i akuzës në proceset të posaçme, pas mbushjes së moshës 18 vjeç.

Po ashtu, do të zbulohen personat, me të dhëna nga ish-Sigurimi i Shtetit për spiunazh dhe terrorizëm. Shqiptarët, në një formë ose në një tjetër, do të njihen me anëtarët ose kandidatët e Byrosë Politike, anëtarët e Komitetit Qendror të Partisë së Punës të Shqipërisë, anëtarët e Presidiumit të Kuvendit Popullor, kryetarët e Gjykatës së Lartë, prokurorët e Përgjithshëm, kryetarët e Hetuesisë së Përgjithshme, anëtarët e Këshillit të Ministrave, kryetarët e degëve të punëve të brendshme, anëtarët e Komisionit Qendror të Dëbim Internimeve, hetuesit, prokurorët, gjyqtarët në procese të posaçme politike, apo punonjësit e nivelit të lartë të ish-Sigurimit të Shtetit.

Identifikimi dhe mbledhja e dosjeve

Për identifikimin, kërkimin, seleksionimin dhe mbledhjen e dosjeve të Sigurimit të Shtetit do të angazhohet i gjithë rrjeti i arkivave në Shqipëri dhe institucionet kryesore, të cilat kanë dokumente dhe kanë administruar informacion, në lidhje me Sigurimin e Shtetit. Të gjitha të dhënat e vlefshme do të vihen në dispozicion të Autoritetit për Informimin mbi Dokumentet e ish-Sigurimit të Shtetit. Kur autoriteti publik ose arkivi është në dijeni apo konstaton, gjatë përmbushjes së detyrave, se zotëron dokumente të ish-Sigurimit të Shtetit apo kopje ose dublikata të tjera të dokumenteve të tilla, vë menjëherë në dijeni Autoritetin. Kur Autoriteti vlerëson se dokumente të caktuara mund të gjenden pranë një autoriteti publik apo arkivi, u drejtohet atyre me kërkesë me shkrim për identifikimin dhe vënien në dispozicion të dokumenteve. Edhe kur personat fizikë ose juridikë privatë janë në dijeni ose konstatojnë se zotërojnë dokumente të ish-Sigurimit të Shtetit apo kopje ose dublikata të tyre, vënë në dijeni menjëherë Autoritetin.

Sanksionet

Ligji parashikon sanksione për personat juridikë ose jo, të cilët fshehin dosjet e Sigurimit, për qëllime të caktuara. ?Në kuptim të këtij ligji, kur nuk përbëjnë vepër penale, përbëjnë kundërvajtje administrative dhe dënohen me gjobë nga 100 000 (njëqind mijë) deri në 200 000 (dyqind mijë) lekë shkeljet e mëposhtme: a) mosvënia në dijeni e Autoritetit, sipas parashikimeve të pikës 6, të nenit 13, të këtij ligji; b) mosdorëzimi i dokumenteve Autoritetit, sipas parashikimeve të nenit 15 të këtij ligji. Në konstatimin e shkeljes, marrjen e vendimit dhe përcaktimin e masës së gjobës për çdo kundërvajtje, Autoriteti zbaton legjislacionin në fuqi për kundërvajtjet administrative?, thuhet në ligj.