E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Totozani kërkesë Kushtetueses për shfuqizimin e ligjit për ndërtimet

29 Maj 2015, 12:17, Aktualitet CNA

Avokati i Popullit, Igli Totozani ka dërguar në Gjykatën Kushtetuese ligjin për ndërtimet duke kërkuar shfuqizimin dhe shpalljen si të papajtueshëm me Kushtetutën e Republikës së Shqipërisë të dispozitës ku parashikohet se ankimi gjyqësor kundër vendimit të Inspektoriatit Kombëtar të Mbrojtjes së Territorit dhe atij të njësisë vendore nuk pezullon ekzekutimin e tij.

Deklarata e plotë e Avokatit të Popullit

Institucioni i Avokatit të Popullit, në ushtrim të kompetencës së tij të parashikuar në nenin 24/c, të Ligjit ?Për Avokatin e Popullit?, i ndryshuar, në bashkëpunim të ngushtë me organizatat e shoqërisë civile: Qendra Res Publica, Civil Right Difenders, Shërbimi Ligjor Falas Tiranë, Qendra për Nisma Ligjore dhe Qytetare, Komiteti Shqiptar i Helsinkit dhe Fondacioni Shoqëria e Hapur për Shqipërinë ? SOROS, duke marrë shkas nga ndryshimet më të fundit që i janë bërë dispozitave të Ligjit ?Për inspektimin e ndërtimit? dhe bazuar në disa ankesa individuale, ka paraqitur në datën 23.04.2015, një kërkesë në Gjykatën Kushtetuese.

Në këtë kërkesë, kërkohet shpallja si i papajtueshëm me Kushtetutën e Republikës së Shqipërisë dhe shfuqizimi, i paragrafit të dytë, të nenit 17, të Ligjit nr. 183/2014 «Për disa ndryshime dhe shtesa në ligjin nr. 9780 datë 16.7.2007, ?Për inspektimin e ndërtimit?, të ndryshuar ».

Me ndryshimet që ka pësuar ligji ?Për inspektimin e ndërtimit?, në paragrafin e dytë, të nenit 14 të tij (i ndryshuar nga neni 17 i sipërcituar), ndër të tjera parashikohet se: ?Ankimi gjyqësor kundër vendimit të Inspektoriatit Kombëtar të Mbrojtjes së Territorit dhe atij të njësisë vendore nuk pezullon ekzekutimin e tij?. Në vlerësimin e institucionit të Avokatit të Popullit, kjo dispozitë shkel një sërë të drejtash të njeriut dhe parimesh kushtetuese, dhe më konkretisht:

– Parimin e sigurisë juridike

– Parimin e ligjshmërinë e pritshme

– Të drejtën e sigurisë së banesës, si pjesë e të drejtës për një jetë familjare

– Parimin e mosdiskriminimit

– Parimin e ndarjes dhe balancimit ndërmjet pushteteve

– Parimin e një procesi të rregullt ligjor dhe ankimit efektiv.

Për këto arsye, të detajuara në kërkesën drejtuar Gjykatës Kushtetuese, Avokati i Popullit ka kërkuar shfuqizimin si të papajtueshëm të kësaj dispozite ligjore, me Kushtetutën, duke qëllimuar kështu respektimin dhe mbrojtjen e të drejtave të njeriut, sidomos të shtresave vulnerabël, përmes realizimit të një procesi të rregullt ligjor, sa i takon veprimtarisë që lidhet me objektin e punës së Inspektoriatit Kombëtar të Mbrojtjes së Territorit dhe atij të njësisë vendore.