E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kosovë, Kuvendi mblidhet për themelimin e Gjykatës Speciale

29 Maj 2015, 07:42, Aktualitet CNA

Kuvendi në Kosovë voton sot amendamentet kushtetuese të porpozuara nga Qeveria, me të cilat i hapet rruga ligjore themelimit të Gjykatës Speciale për Krime Lufte.
Për miratimin e këtyre amendamenteve, janë të nevojshme votat e dy të tretave të të gjithë deputetëve si dhe dy të tretat e votave të deputetëve nga radhët e minoriteteve.
Opozita tashmë është pozicionuar kundër themelimit të kësaj gjykate. Kështu që koalicioni qeverisës i Partisë Demokratike të Kosovës dhe Lidhjes Demokratike të Kosovës, mbetet që t?i sigurojë vetë 80 votat e shumicës dhe 14 votat e deputetëve nga radhët e komuniteteve pakicë për t?i bërë ndryshimet e nevojshme kushtetuese.
Gjykata Speciale, nëse themelohet, do të hetojë dyshimet e supozuara në raportin e Këshillit të Evropës lidhur me pretendimet e senatorit zviceran Dick Marty, për trafikim organesh të disa civilëve serbë nga ana e disa ish-pjesëtarëve të Ushtrisë Çlirimtare të Kosovës, të cilat më pas u hetuan për tre vjet rresht nga një Task Forcë speciale ndërkombëtare e udhëhequr nga prokurori amerikan, Clint Ëilliamson.
Hetimet përfshijnë periudhën e viteve 1999 dhe gjashtë mujorin e parë të viti 2000, ku rastet nuk do të përkufizohen vetëm me trafik organesh por edhe me dyshimet për krime tjera të luftës.
Selia e Gjykatës Speciale për Krime Lufte pritet të jetë jashtë Kosovës, ku si vend potencial është përmendur Holanda. Kurse në përbërjen e saj do të ketë prokurorë e gjykatës ndërkombëtarë.
Ligji për Gjykatën Speciale për Krime Lufte është negociuar gjatë ndërmjet përfaqësuesve të institucioneve të Kosovës dhe Bashkimit Evropian.
Ky ligj parasheh themelimin e dhomave të veçanta të prokurorisë dhe gjykatave të cilat do të jenë nën udhëheqjen ndërkombëtare.
Në rast të dështimit të themelimit të kësaj gjykate nga Kuvendi i Kosovës, Gjykata do të themelohej nga OKB mbi bazën e Rezolutës 12 44.