E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Socialistët grup pune për ndryshimin e statutit, bien zgjedhjet për kryetarin kur partia është në pushtet

28 Maj 2015, 06:31, Aktualitet CNA

Kryeministri Edi Rama, njëherësh kryetari i partisë politike më të madhe në Shqipëri, ka vendosur t?i japë fund debatit sa i takon zgjedhjeve dhe votëbesimit të kryetarit të Partisë Socialiste sipas parimit një anëtar një votë, kur partia i ka fituar zgjedhjet dhe është në pushtet. Rama ka paralajmëruar ngritjen e një grupi pune, për ndryshimin e statutit të Partisë Socialiste, për ta përshtatur me statutin e partive angleze.

Në statutin e ri të PS do të shkruhet e zeza në të bardhë se kur partia fiton zgjedhjet parlamentare dhe është në pushtet, kryetari i partisë nuk rizgjidhet, por konsiderohet automatikisht i rikonfirmuar. Pas mbarimit të mandatit katërvjeçar të Edi Ramës në krye të Partisë Socialiste, në selinë rozë dhe në arenën politike, nisi një debat nëse Rama duhej të bënte ose jo zgjedhje për t?u rikonfirmuar në krye të partisë, ndonëse i kishte fituar zgjedhjet e përgjithshme parlamentare.

Dy personazhet politikë, të cilët i frynë më shumë këtij debati, ishin Sali Berisha dhe Ben Blushi. Ky i fundit akuzoi Edi Ramën për shkelje të statutit të partisë, ndërsa e konsideroi si kryetar jo legjitim. Blushi po ashtu e ka akuzuar kryeministrin Edi Rama se ka frikë të bëjë zgjedhje për t?u rikonfirmuar në krye të Partisë Socialiste, për shkak se nuk gëzon mbështetjen e bazës socialiste. ?Në fund të muajit tetor duhet të kishim zgjidhjet. Edi Rama fatkeqësisht është pa mandat. Në statut unë lexoj që kryetari i PS zgjidhet me parimin një anëtar-një votë një herë në 4 vjet.

Nuk kemi dëgjuar për mandate 4 plus 1 se për furgonë 8 plus 1 dëgjuam?, ka pohuar Rama. Nga ana tjetër, kryeministri Edi Rama, ka pohuar se partia nuk ka nevojë për një shou të tillë kur është në pushtet. Rama i është referuar shembullit të partive angleze, të cilat kur janë në pushtet, nuk bëjnë zgjedhje për të rikonfirmuar kryetarin. Gjithsesi, kryeministri Edi Rama pritet t?i japë fund këtij debati. Një grup pune me juristë dhe ekspertë pritet të ngrihet për të rregulluar statusin. Ndryshimet në statut pritet të miratohen pas analizës së rezultatit të zgjedhjeve të 21 Qershorit, kur do të rivotohen i gjithë rrjeti drejtues i Partisë Socialiste.

Mandati i Ramës

Mandati katërvjeçar i Edi Ramës në krye të Partisë Socialiste ka mbarur në muajin tetor të vitit 2014. Në muajin nëntor të vitit të kaluar, kryeministri Rama urdhëroi organizimin e zgjedhjeve. Teksa gjithçka ishte bërë gati për hapjen e fushatës zgjedhore, pas mbarimit të mandatit katërvjeçar të kryetarit dhe përgatitjes së platformës së grupit të punës që u angazhua për këtë qëllim, Rama urdhëroi pezullimin e procesit.