web counter
LEXO PA REKLAMA!

SHKARKO APP

App Store
Google Play

E fundit!

x

Rama: Historia e ndasisë mes dy vendeve është një sfidë paqeje

27 Maj 2015, 10:59, Aktualitet CNA

Kryeministri Edi Rama, në konferencën për shtyp pas takimit me kryeministrin serb Aleksandar Vuçiç, deklaroi se ?këmbimi i parë i vizitave në rang kryeministrash mes Tiranës dhe Beogradit pas një kohe të stërgjatë akulli mes dy shteteve tona, është shenjë e vullnetit për të sjellë dy kombet tona pranë njëri-tjetrit, pavarësisht se jemi ende larg të qënit dakord për gjithçka?.

“Dy kombet tona pavarësisht se jemi ende larg për të qenë dakord për gjithçka duhet të ecim përpara. Sot shqiptarët dhe serbët kanë mundësi historike ta kthejnë paqen e mezi arritur në këtë rajon në një paqe që ia vlen të jetohet.  Të krijojmë  bashkarisht dhe mbështesim  infrastrukturën,  energjine,  turizmin, arsimin,  kulturën. jemi shumë të vegjël për të mos u bërë bashkë”, tha kryeministri Rama.

Kreu i shtetit  shtoi se dy vendet kanë mundësinë historike për të rikthyer paqen e meziarritur në rajon: ?Kemi mundësinë të bëjmë atë që francezët dhe gjermanët bënë për Europën pas Luftës së Dytë Botërore. Duam të çojmë para axhendën e një rajoni pa kufi. E ardhmja duhet përjetuar si një destinacion i përbashkët në BE dhe i mbështetjes së përbashkët të projekteve në infrastrukturë, arsim, turizëm, kulturë etj. Jemi shumë të vegjël për të mos u bërë bashkë?.

Në lidhje me çështjen e Kosovës, Rama tha: ?Mosdakordësia për Kosovën nuk e zbeh vlerën e dialogut Serbi-Kosovë, që është prolog në marrëdhëniet e reja mes shqiptarëve dhe serbëve?.

 





Lajmet e fundit nga