web counter
LEXO PA REKLAMA!

SHKARKO APP

App Store
Google Play

E fundit!

x

Vucic: Dronin e ngriti Ismaili, ka prapavijë politike

27 Maj 2015, 11:19, Aktualitet CNA

Kreu i qeverisë serbe, Aleksandar Vuçiç, pasi deklaroi se është krenar që është i pari kryeministër nga vendi i tij që viziton Shqipërinë, u shpreh se ?Serbia e konsideron si pjesë të vetën Kosovën dhe Metohinë? dhe se nuk do të pajtohet me pavarësinë e Kosovës.

Më tej, Vuçiç nënvizoi se është me rëndësi që Shqipëria dhe Serbia ?të punojnë bashkë për projekte infrastrukturore?.

?Shkëmbimet tregtare janë në interes të dy vendeve tona. Me Ramën biseduam edhe për zhvillimin e turizmit?, u shpreh Vuçiç.

Në lidhje me incidentin me dronin në ndeshjen Serbi-Shqipëri, Vuçiç theksoi se ishte i motivuar politikisht: “Ishte episod i keq për marrëdhëniet tona. Ishte i organizuar politikisht, pasi flamuri i Shqipërisë së madhe u ngrit për këtë arsye. E njohim autorin: është një person me emrin Ismail. Së bashku me disa të tjerë ka ardhur nga Italia 3-4 ditë para ndeshjes. Kjo tregoi se sa të brishta janë marrëdhëniet tona”.

Pas kësaj deklarate, Rama u përgjigj se nga ajo ndeshje nxorën mësim të dyja palët: ?Shqipëria e madhe për ne nuk është projekt apo program. Është një ide që e ushqejnë ata që nuk i duan të mirën shqiptarëve, jo kombi ynë që nuk synon zmadhime në kurriz të askujt, por vetëm bashkëjetesë normale. Kemi projekt të bashkohemi në rrugën e Bashkimit Europian. Ne do kishim qeshur po të kishim parë flamur të Serbisë së madhe, por kjo është çështje perceptimesh. Mendoj që mësimi është nxjerrë nga të dyja palët. E kemi kapërcyer me kurajo atë moment dhe sot jemi këtu?.





Lajmet e fundit nga