E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Sponsorët pas skandalit ne FIFA: Futbolli ne ditet me te erreta

28 Maj 2015, 09:22, Aktualitet CNA

Sponsorët kyç të FIFA-s kanë shprehur ?shqetësime serioze? pasi Shtetet e Bashkuara akuzuan zyrtarët më të vjetër të organit që qeveris futbollin për zhvatje, evazion dhe pastrim parash.
Kompani kyçe si ?Adidas?, ?Coca-Cola?, ?Visa?, ?Sony?, ?Gazprom? dhe ?Hyundai/KIA? janë përballur me kërkesa të shumta për t?i bërë presion FIFA-s pas zbardhjes së skandalit.

?Coca-Cola? deklaroi se eventi madhështor i Kupës së Botës ?ka humbur shkëlqimin? prej kohësh si pasojë e kontesteve që zgjasin prej vitesh.
?Ky kontest ka errësuar misionin dhe idealet e Kupës së Botës dhe ne vazhdimisht kemi shprehur shqetësimin tonë për këto dyshime serioze?, tha kompania e pijes më të konsumuar në botë.
Ndërsa ?Adidas? u shpreh tërësisht e angazhuar për krijimin e një kulture që promovon standardet më të larta të etikës dhe pajtimit dhe se pret të njëjtën gjë nga partnerët e saj.

Gjigandi i kartave të kreditit tha: ?Zhgënjimi dhe shqetësimi ynë pas zhvillimeve të fundit është i thellë. Ne presim që FIFA të ndërmarrë hapa të shpejtë e të duhur për të adresuar problemet?.

Edhe ?McDonald?s?, sponsor i kategorisë së dytë, deklaroi se zhvillimet e fundit janë ?jashtëzakonisht shqetësuese?, por shtoi se është në kontakt me FIFA-n, duke monitoruar situatën.

Shtatë zyrtarë të lartë të FIFA-s u arrestuan të mërkurën në Zyrih, ndërsa ndaj 14 personave të tjerë u ngritën padi.
Ndërsa organi që qeveris futbollin evropian, UEFA, pritet të mblidhet më vonë për të vendosur nëse të bojkotojë ose jo votimin e së premtes për presidencën.

Ditën e mërkurë FIFA njoftoi një vendim të përkohshëm që parashikon ndalimin e përfshirjes në aktivitete sportive të 11 nga personat e akuzuar nga SHBA.

Por nga ana tjetër, votimi i së premtes, në të cilin presidenti Sepp Blatter do të kërkojë mandatin e pestë, do të mbahet.

Zoti Blatter, emri i të cilit nuk rezulton në hetime, shpërndau një deklaratë lidhur me arrestimet ku thuhej: ?Këto veprime nuk kanë vend në futboll dhe ne do të sigurohemi që personat e përfshirë në këto aktivitete të dalin jashtë loje?.

Edhe prokurorët zviceranë kanë hapur gjithashtu hetime lidhur me ofertën për zhvillimin e Kupës së Botës në vitin 2018 në Rusi dhe në vitin 2022 në Katar.