Elsa Ballauri: Krerët e partive po fshehin spiunët që i kanë rreth vetes

31 Maj 2015, 08:49, Aktualitet CNA

Kryetarja e Shoqatës për të Drejtat e Njeriut në Shqipëri, Elsa Ballauri, ka kërkuar që të monitorohet procesi i hapjes së dosjeve. Ballauri, në një prononcim për gazetën ?Sot?, ka pohuar se ligji i jep të drejtë krerëve të partive, se për cilët duhet të hapen dosjet, duke hedhur dyshime se krerët e partive mund të fshehin spiunët që kanë rreth vetes në parti. ?Procesi i hapjes së dosjeve duhet të monitorohet me përgjegjshmëri dhe seriozitet.

Duhet të monitorohet për faktin që mos të ketë pasoja dhe polarizimin në jetën sociale. Pra, nuk duhet të ketë tendencë për të polarizim të jetës sociale pas hapjes së dosjeve. Krerët e partive hapin disa doje dhe mbyllin të thera. Duhet të ketë seriozitet. Hapja e dosjeve është shumë pozitive, që të gjithë brezat të njihen me të kaluarën?, u shpreh Ballauri. Elsa Ballauri ngre shqetësimin se vetë ligji tashmë i miratuar mund të sjellë probleme në jetën sociale. Sipas Ballaurit, fakti që u jepet e drejta vetëm krerëve të partive dhe drejtuesve të institucioneve për të hapur dosjet, do të prodhojë në vetvete një proces jo transparent dhe me dy standarde.

?Dosjet do hapen me miratimin e krerëve të partive dhe drejtuesve të institucioneve, do mbajnë peng jetët e individëve. Nëse ka një handikap që dëmton zbatimin e ligjit për të gjetur të vërtetën, duhet ta diskutojmë për të ndaluar një gjë të tillë?, u shpreh Ballauri. Përfaqësuesja e shoqërisë civile thotë se ligji po rreket të bëjë një përzgjedhje lidhur me procesin e hapjes së dosjeve. ?Në qoftë se një titullar thotë se dikujt t?i hapet dosja dhe dikujt tjetër jo, atëherë bëhet një përzgjedhje shumë e seleksionuar që dëmton në këtë rast procesin. Kjo çështje është ngatërruar më tepër seç pritej, por duke qenë se ka pasur një alternativë, siç është ligji ynë, i cili lejonte aksesin për këdo që donte të hapte dosjen e tij. Kishte një domosdoshmëri për të hapur dosjet e politikanëve, politikbërësve?, tha Ballauri, duke shtuar se dosjet do të keqpërdoren.

?Është kryetari i partisë apo drejtori ai që urdhëron ose jo hapjen e dosjeve, gjë që do të çojë në një rrezik të madh të keqpërdorimit të dosjeve. Njerëzit do të ndeshen nën presionin e atij që kanë mbi kokë. Do të kemi një lloj tjetër. Me dosjet e hapura do të kemi shantazhe të reja, gjë që do ta dëmtojë këtë proces?, u shpreh Ballauri.

Simon Miraka

Kryetari i Shoqatës Antikomuniste të të Përndjekurve Politikë, Simon Mirakaj, në një prononcim për gazetën ?Sot?, deklaron se ligji i ri për dosjet nuk garanton një proces të drejtë për hapjen e dosjeve. Mirakaj bindjen e mbështet në dy argumente. Së pari, ligji i kushton vëmendje vetëm bashkëpunëtorëve të Sigurimit dhe jo ?levave? të tyre, atyre që i detyruan të bashkëpunojnë. Dhe së dyti, do të jenë krerët e partive ata që do të vendosin nëse hapen apo jo dosjet për deputetët e ardhshëm të Parlamentit Shqiptar. ?Unë nuk dua të bëhem paragjykues për nismat e hapjes së dosjeve. Por, unë nuk jam optimist në lidhje me zbatimin e këtij procesi. Edhe e djathta ishte 8 vjet në pushtet dhe nuk e çoi deri në fund ligjin për hapjen e dosjeve. Ligji i ri i sapomiratuar nuk është objektiv. Ky ligj i kushton vëmendje bashkëpunëtorëve të ish-Sigurimit të Shtetit dhe jo levave të tyre. Krerët e partive vendosin nëse do t?i lanohen kandidatëve për deputetë hapja e dosjeve. Unë mendoj se nuk ka dekriminalizimin pa dekomunistizim! Në rast se komunizmin nuk e shohim si e keqe e përbashkët nuk e lufton dot as PD e as PS?, u shpreh Mirakaj.