web counter
LEXO PA REKLAMA!

SHKARKO APP

App Store
Google Play

E fundit!

x

PD: Veliaj, simboli i mashtrimeve dhe korrupsionit guxon e premton sërish

10 Maj 2015, 13:10, Politikë CNA

Koordinatori Akil Kraja,  tha se Veliaj  nuk i mbulon dot mashtrimet që e sollën në pushtet, edhe pse mund të  ndërroj sfondin e shpenzimet e fushatës.

Në një dalje për mediat, Kraja theksoi se Erion Veliaj ka disa përgjigje për të dhënë para se të ketë guximin të dalë sërish me premtim-mashtrime.

Deklarata e plotë e Akil Krajës

Sado ta ndërrojë sfondin e të shtojë shpenzimet e fushatës së tij të luksit, Erion Veliaj nuk i mbulon dot mashtrimet që e sollën në pushtet.   Ky pehlivan i sajuar, ka disa përgjigje për të dhënë para se të ketë guximin të dalë sërish me premtim-mashtrime.   Ku i ka 300 mijë vendet e punës? Ku i ka taksat e ulura për 95 përqind të popullsisë? Ku e ka çmimin e ulur të energjisë? Ku i ka çmimet e ulura të produkteve bazë?   Po ku i gjeti Erion Veliaj paratë për dasmat seriale luksoze, vilën 200 mijë euroshe, teksa qytetarët e vendit po dynden drejt Europës nga skamja e mizëria.

Si mund të marrë vëllai i tij tendera në çdo zyrë shtetërore, miliona e miliona pa reshtur, teksa ai vetë u ka hequr bukën e gojës 20 mijë familjeve në nevojë duke i dëbuar nga lista e ndihmës ekonomike.   Ku i ka subvencionet për bujqësinë që ka 2 vite që nuk jepen, por shpërndahen mes miqsh e klientësh.   Ky është realiteti. Kjo është drama therëse e shkaktuar nga Erion Veliaj e padroni i tij, kudo ku të shkelësh.    Mund të sjellësh stafin në shfaqjet luksoze, e ti trajnosh ata të bëjnë pyetjen që ti do, por kjo nuk do ta shpëtojë dot, as atë as shefin e tij nga ballafaqimi me qytetarët me 21 qershor.  Ora e gjykimit me votë po vjen.





Lajmet e fundit nga