web counter
LEXO PA REKLAMA!

SHKARKO APP

E fundit!

x

PD: Shkupi të garantojë jetën e qytetarëve shqiptarë

9 Maj 2015, 13:42, Politikë CNA

Partia Demokratike ka reaguar në lidhje me ngjarjet që po ndodhin në Maqedoni, ndërsa u ka bërë thirrje autoriteteve maqedonase të garantojnë jetën e popullatës.

?Partia Demokratike u bën thirrje autoriteteve maqedonase të garantojnë jetën dhe pronën e popullatës civile. Përdorimi disproporcional i forcës është i dëmshëm?,- thotë PD në një deklaratë të saj për mediat.

Sipas partisë më të madhe opozitare në Shqipëri, fakti se konflikti po zhvillohet në një zonë të populluar mbart rrezikun e lëndimit apo dëmtimit të civilëve të tjerë. PD shton se dhuna dhe mjetet e forcës janë rruga më e gabuar për të zgjidhur problemet. Më tej, Partia Demokratike i kërkon popullatës shqiptare dhe faktorit politik shqiptar në Maqedoni, të ruajnë gjakftohtësinë dhe të shmangin provokimet.
?Stabiliteti dhe integrimi Euroatlantik i Maqedonisë është interes jetik i qytetarëve të saj. Respektimi i plotë i marrëveshjes së Ohrit është një rrugë e sigurt drejt këtij qëllimi?,- përfundon deklarata e PD-së.





Lajmet e fundit nga