Kosova: Do t’i lidhim banorët e fshatrave të braktisur të Tiranës me qendrën

9 Maj 2015, 08:22, Politikë CNA

Kandidati për kryebashkiak në Tiranë, Halim Kosova u takua dje me banorë të Zallbastarrit dhe Zallherrit që vuajnë mungesën e rrugës, mungesën e tregut për të shitur prodhimet, papunësinë e skamjen. Zallbastarri i është bashkuar Tiranës me ndarjen e re por distanca e banorëve me qendrën tani është të paktën 1 orë e gjysmë me makina të larta, për shkak të rrugës së pashtruar. Megjithë bukurinë e natyrës, varfëria është evidente.

?Ne me gjithë kalamajtë, mundohemi e derdhim tërë këtë djersë, hudhrën apo domaten se s?ka treg. Këtu vetëm të dalë një parti e shejtanit dhe të thotë unë jam partia e shejtanit dhe unë do ta rregulloj. Të gjitha partitë na kanë premtuar, asnjë parti, asnjë deputet, asgjë nuk kanë rregulluar?, i thotë një banor Halim Kosovës. ?Unë e kam ndarë mendjen që të tregoj në këtë vend që ndershmëria nuk ka vdekur dhe me ndershmëri ndryshojnë gjërat. Ky është qëllimi im?, shprehet Kosova.

?Nuk futem fare se çfarë partie ke qejf, çfarë s?ke qejf. Çfarë të duan të bëjnë njerëzit, nuk përzihem tek kjo. Por ama ne kur bëjmë një investim në një zonë, e zëmë një rrugë, aty kalon demokrati , socialisti, i LSI-së, kalojnë të gjithë me radhë. Por, prioritet nuk do të jenë përkatësitë politike, por do të jenë hallet e miletit?, vijon Kosova. Zall Herri qeveriset aktualisht nga të majtët, por situata nuk ndryshon aspak. Shumë ankesa, halle e shqetësime, asnjë investim.

?Jam banor i Zall Herit. Këtu në Zall Herrr kalojnë shumë kandidatë , kanë premtuar shumë gjëra dhe s?kanë bërë asgjë?, thotë një banor. ?Ka zero investim, zero rrugë, asnjë metër rrugë, zero organizime , zero investime në bujqësi ,në shkolla, kopshte, në ujësjellës zero. Desha t?ju bëj një pyetje. Si do t?i jepni zgjidhje kësaj situate që jeton komuniteti??, pyet një banor. ?Për Komunën e Zallher-it duhet të jenë prioritet rrugët?, thotë një banor.

?Bashkë me urbanistët kemi hapur hartën e Tiranës dhe puna e parë, se nuk është se unë bëj rrugë, por unë gjykoj bashkë me të tjerët, me specialistët, si të bëjmë më të mirën dhe e kemi hapur dhe kemi menduar se si të lidhen gjithë komunat dhe fshatrat me qendrën?, shprehet Kosova. ?Kryetarin e Komunës këtu unë e kam kushëri. Ai ka idetë e veta, unë kam të mijat. Asnjë nuk lejoj të ma shajë, se është gjaku im ai, por ama idetë i kemi të kundërta. Vij ta qaj këtë hall, se ka ikur administrata këtu, se gjej dot më, vij të gjej ty atje, por dua derën e hapur tek ty?, i drejtohet një banor Kosovës.

?Ne jemi të përndjekur politikisht, që në 95 e deri më sot. Janë mbi 3.500 banorë. As ka rrugë, as ka ujë, as ka drita , as ka shkollë. Shkolla është si shkollë por ama më mirë mos me qenë?. ?Këto halle që ke ti, a të hyn në punë ty a ka palma tek ajo rruga nga Rinasi në Tiranë apo jo? Fasada tek Sheshi Nënë Tereza, ajo mund ti pëlqejë 5 apo 10% të shqiptarëve, nuk jam kundër kësaj, por kur njeriu ka halle që thotë ore s?kam ujë me pi, s?kam shkollën për fëmijët, s?kam bukë , ty s?të hyn në punë ajo. Ngrihuni të gjithë dhe jepni votën aty ku besoni . Nuk është se jam magjistar, por ama jam dikush që të interesohem për hallet aty ku janë dhe të vras mendjen për zgjidhjet?, deklaron Halim Kosova.