web counter
LEXO PA REKLAMA!

SHKARKO APP

App Store
Google Play

E fundit!

x

Këshilli Kombëtar I Integrimit/Bregu:Do marrim përgjegjësi

8 Maj 2015, 14:54, Politikë CNA

Deputetja demokrate Majlinda Bregu, në mbledhjen e parë të Këshillit Kombëtar të Integrimit, në cilësinë e kryetares, deklaroi se shkallët e plotësimit të detyrimeve janë të patjetërsueshme, ndaj duhet vullnet politik dhe jo standarde të mbetura në letër.

?Ky këshill së pari është ngritur për kontroll ndaj qeverisë nga opozita, por kjo nuk do të thotë se nuk do marrim përgjegjësitë tona për përmbushjen e detyrimeve. Janë 5 prioritete para se KE të rekomandojë hapjen e negociatave?, u shpreh Bregu.

Ajo tha se propozimet e qeverisë do të diskutohen nga Këshilli Kombëtar i Integrimit, i cili do të sigurojë ecurinë për procesin e mëtejshëm.
Bregu shtoi se Shqipëria nuk është në momentin më të mirë sa i takon politikës së zgjerimit në Bashkimin Europian, por shtoi se duhet punuar për realizimin e detyrimeve.

Sipas saj, anëtarësimi në BE është një proces i gjatë reformash.

Në fjalën e tij Kryeministri Edi Rama deklaroi se qeveria është në mbështetje të pakushtëzuar të punës së këshillit, duke thënë se përmes angazhimit të përbashkët do të arrihet të krijohet së paku në Këshillin Kombëtar të Integrimit, një vend ku flitet për sfidat kryesore të integrimit, duke lënë mbas derës gjithë klimën që nuk i përshtates frymës së integrimit, siç është klima e Parlamentit.





Lajmet e fundit nga