Parlamenti miraton amnistinë për të burgosurit, ja kush përfiton

8 Maj 2015, 05:59, Politikë CNA

Parlamenti Shqiptar ka miratuar dje projektligjin që amniston personat e dënuar, apo që ndiqen penalisht për ndërtime pa leje, para datës 10 prill 2014. Bëhet fjalë për një amendament të propozuar nga deputetët Nard Ndoka, Kozma Dashi dhe Miranda Rira.

Ndërkaq, pas shqyrtimit në komisione, Kuvendi ka miratuar me 91 vota, me konsensus maksimal, draftin për amnistisë. Nga amnistia pritet që të përfitojnë ata persona që janë dënuar apo proceduar penalisht për ndërtime pa leje dhe që ndërtimin e kanë bërë para 10 prillit të vitit që lamë pas, dhe e kanë ngritur objektin në tokën e tjetrit apo atë publike.

Sipas deputetëve, ligji aktual ju mundëson amnisti personave që janë proceduar kur kanë ndërtuar në tokën e tyre, por përjashtime bëhen në rastet kur objekti është ndërtuar në pronë shtetërore apo të dikujt tjetër. Prandaj, kanë kërkuar që edhe këta të fundit të mund të amnistohen. ?Në një formë të thjeshtëzuar mundet të thuhet se, nëse civilisht ndërtimin pa leje e “amnistojmë” pavarësisht se kush është pronari i tokës ku është bërë ndërtimi, penalisht ne e amnistojmë këtë ndërtim vetëm kur ai është bërë në tokën e personit që e ka bërë ndërtimin e paligjshëm.

Nuk e amnistojmë penalisht ndërtimin pa leje (me ligjin aktual) në rastin kur ai është bërë në, tokë të tjetrit, apo në tokë publike?, thuhet në relacionin e ligjit. Në relacion thuhet po ashtu se në vend ndërtimet e paligjshme janë masive, por dënimet kanë qenë vetëm për disa persona të caktuar. Po ashtu, në relacion citohet se numri më i madh i të dënuarve apo procedurave është në rastet kur nuk kanë ndërtuar në pronën e tyre. Posta Deputetët kanë votuar po ashtu ligjin e ri për Postën Shqiptare që parashikon hapjen e tregut. Ky ligj u votua me 94 vota pro. Ligji i ri për postën parashikon hapjen e tregut dhe heqjen e ekskluzivitetit të Postës Shqiptare.

Ligji ?Për shërbimet postare?, synon hapjen e tregut për konkurrencën dhe liberalizimin e shërbimeve që aktualisht janë ekskluzivitet i Postës Shqiptare, e cila zotërohet 100% nga shteti. Fillimisht është parashikuar një kohë tranzitore, ku Posta Shqiptare do të vijojë me ofrimin e shërbimit universal postar, kjo me qëllim mbrojtjen e përdoruesit. Gjithashtu, parashikohet një kohë transitore, për nxjerrjen e akteve nënligjore, prej gjashtë muajsh, si dhe rishikimi i autorizimeve dhe licencave të lëshuara nga AKEP-i në termat e reja të parashikuara nga ky ligj, në një periudhë gjashtëmujore. Pronat Gjatë seancës së djeshme, parlamenti votoi edhe kërkesën për shtyrje afati prej 6 muajsh për kthimin dhe kompensimin e pronës.

Ky ligj ka qenë një prej më të debatuarve gjatë shqyrtimit në komisionet parlamentare, ku opozita ka akuzuar mazhorancën se është e paaftë për të mbyllur çështjen e pronave. Ndërsa mazhoranca nga ana tjetër, ka akuzuar PD se ka lënë pas shumë dosje që kërkonin zgjidhje. Sot janë rreth 9 mijë dosje pronësie që nuk janë marrë në shqyrtim. Fondi për fushatën Parlamenti votoi me 83 vota pro, asnjë kundër dhe asnjë abstenim edhe fondin e partive për fushatën e zgjedhjeve lokale. Shuma e përgjithshme që do të ndahet mes partive politike për frashtën zgjedhore është 65 milionë lekë. Ky fond ndahet në mënyrë proporcionale me vendet që partitë kanë në parlament.