web counter
LEXO PA REKLAMA!

SHKARKO APP

App Store
Google Play

Veliaj me biznesin: Do themelojmë Këshillin Ekonomik për Tiranën

7 Maj 2015, 09:21, Politikë CNA

Do të ndërtojmë një marrëdhënie të re bashkëpunimi midis bashkisë dhe biznesit, që do të bazohet mbi transparencën dhe partneritetin. Me këto fjalë e ka nisur dëgjesën e sotme me investitorë shqiptarë e të huaj, kandidati i majtë për Bashkinë e Tiranës, Erion Veliaj, i cili ka theksuar se Tirana është epiqendra e jetës sociale dhe ekonomike e vendit.

?Do të themelojmë një Këshill Ekonomik për Tiranën, sipas modelit të Këshillit Kombëtar të Punës, ku do të adresojmë të gjitha problemet dhe kërkesat e biznesit të lokalizuar në kryeqytet. Vlerësoj bashkëpunimin që kemi pasur me biznesin në 18 muajt e fundit dhe dëshiroj që këtë bashkëpunim ta shtrij edhe në Bashkinë e Tiranës. Për këtë, unë kam propozuar ngritjen e këshillit ekonomik në bashki. Ndërkohë, mirëpres çdo ide që ju mund të keni për këtë bashkëpunim?, u shpreh Veliaj.

Veliaj tha se do të krijohet edhe fondi për nxitjen e punësimit dhe zyrat e punës në Bashki. Biznesi kërkoi një klimë më miqësore, mbështetje dhe shmangien e konflikteve politike, të cilat ndikojnë direkt te sipërmarrja. Veliaj i cilësuar të lodhshme dhe të panevojshme procedurat që u duhen bizneseve për t?u regjistruar apo paguar taksat, duke premtuar heqjen e këtyre barrierave.

 





Lajmet e fundit nga