E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

Duma me të rinjtë: Ju jeni fuqia e Durrësit, modeli im të punoj me më të aftët

9 Maj 2015, 12:48, Politikë CNA

Kandidatja për bashkinë e Durrësit, Grida Duma bashkëbisedoi me të rinjtë tek Amfiteatri i qytetit ku ndau me ta shpresën dhe modelin për ti dhënë frymëmarrje këtij qyteti.

Zonja Duma falenderoi të rinjtë duke theksuar se ajo ndodhet aty vetëm falë tyre. ?Mezi pres ditën kur të ndjej që ritmi i jetës tuaj do ti japë frymëmarrje këtij qyteti?, tha Duma.

Të rinjtë ndanë nevojat e tyre si punësimi, mungesa e hapësira për ta me vizionin e shpresës dhe punës së kandidates së djathtë.

Pyetje: Modeli që ofroni ju është kthyer në burim frymëzimi për të gjithë të rinjtë dhe e shohim si shembullin e duhur për të pasur sukses dhe për të përparuar në jetë. A do të jetë programi juaj i duhur për të gjithë ne?

Duma: A do të jetë programi im një program që do të vlejë dhe do ti japë prioritet rinisë?! Absolutisht po. Beteja jonë fillon tek ky qytet dhe nuk e keni idenë sa gjëra të bukura kemi mundësi të bëjmë.

Pyetje: Problemi që shtroj unë është papunësia e të rinjve. Të gjithë ndihemi të stresuar për atë vend pune dhe ájosakrificë mund që unë po bëj vajtje ardhje në Tiranë dua ta shkrij në qytetin tim të Durrësit?

Duma: Rrugëtimi që do të nisim do të ketë bashkëqeverisje por edhe vendime që do marrim bashkë me sakrificë. Ju duhet të jeni të parët që duhet të kuptoni se kemi shumë për të bërë përpara. Do ta kthejmë Durrësin në një model. Jo gjithmonë është çështje parash. Është gjithmonë çështje kulture dhe mendësie. Ka shumë mënyra që do të iniciojnë punësimin e të rinjve. Besoj tek taksat e ulëta. Së dyti do heqim konceptin që në isntitucionet publike, kush njeh ndonjërin do futet në punë. Do të bëhet vetëm një koncept. Kush njeh ndonjërin që është i aftë të vijë me Grida Dumën. Ka shumë gjëra që bashkë do ti rregullojmë duke i manaxhuar më mirë por këtu do të ketë të paktën 3 ose 4 projekte të vërteta zhvillimi ku do të punojnë të rinjtë profesionalë dhe ajo që do të gjeni tek unë, nuk do të jetë më një avantazhim i 3 bizneseve por do të jetë një lulëzim i konkurencës së bizneseve të cilët do të jenë gjithmonë e më tepër të prirur të marrin ata që konkurojnë më mirë. Të shkojmë drejt modelit që prodhon diçka për vendin dhe jo që i merr vetëm krahun e punës. Ju nuk jeni krahu i punës por ju jeni krijimi i krahut të punës. Kështu duhet ta konsideroni veten.

Pyetje: Donin të dinim për sportistët dhe artistët. Unë jam ishte sportist dhe kam një fushë por nuk e kam gjetur veten në qytetin tim dhe për këtë më vjen keq?

Duma: Thonë që nuk ka para sepse janë parë si shpenzime. Unë kam një qendrim tjetër. I shikoj si investime. Të thuash shpenzoj për sportin do të thotë që investon për jetën e qytetit dhe jo në kuptim që po investon dhe nuk po të kthehet mbrapsht. Ne me sportistët që kemi në Durrës mund ta kthejmë atë në një aktivitet me vlera ekonomike.

Pyetje: Jam rritur në një qytet më shumë gjelbërim siç ka qënë Durrësi por me kalimin e viteve ky gjelbërim ka ardhur duke u pakësuar dhe gjithmonë duke u ndërtuar pallate dhe duke u mbyllur hapësirat tona publike. Doja të dija mendimin tuaj për këtë?

Duma: Sikur të kishim të gjitha mundësitë do të ishte e thjeshtë. Nuk i kemi të gjitha mundësitë dhe do të gjykohemi nga mënyra se si do ti shfrytëzojmë ato që kemi. Atëhere, nëse ne kemi pak kemi vetëm një vizion. Kemi një rrugë për të bërë por nuk del për një kilometër?, por për 500 metra. Çfarë do bëjmë?! Do bëjmë një gjysëm rrugë apo me të njëjtat para do bëjmë një park dhe pak gjelbërim. Thonë se ska ngelur vend për të gjelbëruar qytetin sepse diku pllakë, diku beton, diku zhavor e diku shesh ndërtimi í lënë përgjyshëm dhe duket sikur po i paguajmë taksat për kallamishtat e kënesës si taksë gjelbërimi. Por përtej kësaj çështje ka kaq shumë mënyra për të risjellë gjelbërimin.

Pyetje: Si ju edhe unë jam një nënë e rë. Kam një problem për fëmijën tim sepse nuk mund ta çoj dot në një park apo lodër. Nga plazhi tek Currilat e më tëj nuk ka një kënd të mirëfilltë për fëmijët që unë mund të jem e qetë.

Duma: Unë nuk besoj shumë më tepër tek filozofitë e mëdha apo teoritë e mëdha se sa tek jeta e përditshme. Uën mendoj se jeta e përditshme është më e rëndësishme se gjërat e mëdha. Dhe unë kam vetëm një qendrim për ato parqe e lodra që duhen hapur. Sikur të ishin të fëmijës tim. Kaq.

Pyetje: Bashkia ka hapur para ca vitesh një qendër komunitare për fëmijët romë në Nishtulla dhe pothuaj nuk është funksionale, pavarësisht se vijnë shumë organizata jo fitimprurëse që bëjnë organizime për komunitetin atje. Ju çfarë projekti keni për këtë komunitet?

Duma: Nuk është çështje për të qënë çështje ndihme. Këtu bëhët fjalë për për të pasur projekte edukimi, jo duke bërë llogarinë sa kushton qendra, se kështu janë bërë përgjithësisht llogartitë për komunitetet rome. Por duke bërë llogarinë sa romë kemi, sa fëmijë romë kemi, deri në çfarë mase janë të edukuar sepse brenda komuniteteve ka njerëz që duan më shumë shkollën, ashtu siç ka familje që kanë prioritet diçka tjetër që është formimi profesional. Mënyra se si është trajtuar komuniteti rom duhet të ndryshojë dhe pastaj të logjikojmë kush janë metodat. Në tërësi në Durrës janë përdorur shumë pak fondet e Komunitetit Europian. Kur kam qënë zëvëndësministre, zona e Kënetës është trajtuar si zonë me prioritet pikërisht edhe për një pjesë të këtij komuniteti dhe e gjej një projekt të pambaruar. Kapacitetet për të marrë fondet e BE-së, të cilat janë shumë të mëdha, sidomos për këtë komunitet, besoj se do ti ngrejmë të gjitha për të pasur asistencën të cilën e kemi kur të duam dhe ku të duam, vetëm nëse bëjmë projekte shumë të mira.

Pyetje: Mu bë qefi që folët për rikostruksionin e biblotekës dhe një bibloteke të re. Pyetja ime është nëse bibloteka do ti mbushë të gjitha mungesat që ka?

Duma: Njerëzit që dua librin, po ti bëjmë një thirrje jam e bindur se mund të nxjerrin edhe atëhere kur ne nuk kemi mundësi për ti blerë. Do na gjejnë libra sepse ky qytet mezi pret me një pjesë të madhe të intelektualëve dhe elitës së vetë ti dhurojë jetën shpirtërore edhe një bibloteke.

Të kesh identitet miqtë e mi dhe ti thuash vetës jam qytetar i një qyteti mijëra vjeçar është aset. Është njësoj sikur tu kenë dhënë një bonus në jetë. Është bonus i madh që të jetojmë këtu dhe ta bëjmë bashkë.