E fundit!

19:08 Aktualitet

Zhvillohet sot protesta e 49-të kundër qeverisë

Këtë të shtunë po zhvillohet protesta qytetare e 49-të...

Namir Lapardhaja: Gjueti shtrigash ndaj drejtuesve të PD-së në Berat

9 Maj 2015, 13:06, Politikë CNA

Kur edhe pak ditë na ndajnë nga zyrtarizimi i fushtës elektorale për zgjedhjet e 21 Qershorit, Sekretar i përgjithshëm i degës së PD-së Berat, Namir Lapardhaja denoncon rastet e dhunës, terrorit dhe kërcënimeve jo vetëm ndaj qytetërve por edhe ndaj drejtuesve të PD në Berat.

Sipas tij, në një mbledhje të pak ditëve më parë, deputeti i PS-së për qarkun e Beratit, Fidel Ylli, së bashku me drejtuesit e tjerë të fushatës elektorale të PS-së dhe LSI-së, ka kërkuar me forcë dhe në mënyrë ultimative shkarkimin nga puna të disa drejtuesve të PD-së në Berat, dy prej të cilëve janë duke u shkakruar nga puna, pa asnjëlloj motivacioni (të dy inxhinierë dhe me përvojë të gjatë pune) dhe veçanërisht heqjen time dhe të mamasë sime nga puna.

?Z. Ylli, ndoshta nuk e di, por unë jam Sekretari i Përgjithshëm i degës së PD-së në Berat (praktikisht Nr. 2 i PD-së së rrethit Berat), përveçse kësaj jam edhe mësues në një shkollë në periferi të Beratit, vend pune të cilin e kam fituar me konkurs dhe konform të gjithë rregullave që qeveria e tij ka vënë, vetëm 1 vit më parë, pasi po kjo mazhorancë (LSI-ja) më kishte hequr pa asnjë lloj motivacioni, procedure apo vërejtjeje nga një punë e mëparshme (betejë ligjore të cilën e fitova në të gjithë shkallët e gjyqësorit)? shkruan Lapardhaja në Facebook.

Ai shton më tejse në Shqipëri është kthyer diktatura dhe lufta ndaj armiqëve politikë dhe ne nuk e kemi marrë vesh është çështje tjetër.

Laparadha thekson faktin se është e patolerueshme, e pafalshme, e pajustifikueshme, e gabuar kërcënimet dhe dhuna që vijnë nga maxhoranca..

?Çfarë duan këta?

Duan të na mbyllin gojën?

Duan të mos kenë fare opozitë?

Duan të kenë një fushëbetejë pa rivalë?

Duan të asgjësojnë opozitën?

Reagimin qytetar?

E pastaj dalin e flasin e mbajnë leksione demokracie.

Për këtë kërcënim, presion, dhe tentativë për mbyllje goje, që po e denoncoj sot për opinionin publik, do t?i shkruaj një letër ambasadës së SHBA-ve në Tiranë, gjithë trupit diplomatik të akredituar në vendin tonë, përfaqësueses së BE-së në Tiranë etj.

Nuk mund të lejojmë që vendi të shkasë në diktaturë.

Nëse tentojnë të na mbyllin gojën e të na frikësojnë, i siguroj se kanë gjetur personin e gabuar.

Nga sot çdo kërcënim, dhunim, mbyllje goje, ndaj kujtdo në Berat, do të bëhet publik.

T?i tregojmë gjithë botës pafytyrësinë e këtyre.

Mentalitetin komunist dhe mykjen e trurit.

Opozita, kushdo qoftë ajo, është vlerë në demokraci.

Nëse jemi në demokraci, sigurisht që edhe këtu është vlerë.

Sot. Ashtu si dje? përfundon postimin Sekretar i përgjithshëm i degës së PD-së Berat.