Rama prezanton Gjergji Goron: Himariotët janë kokë më vete, po mos na turpëroni duke votuar atë që ka sjellë Saliu këtu

10 Maj 2015, 11:45, Politikë CNA

Kryeminsitri Edi Rama gjatë turit të tij në jug, ka ndaluar edhe në Himarë për të prezantuar kandidatin e mazhorancës për këtë bashki, Gjergji Goro.

Në fjalën e preznatimit Rama tha se kryebashkiakët që zgjedh Saliu nuk janë në gjendje të bashkëpunojnë me qeverinë.

?Qeveria ka dedikuar shumë fonde duke filluar që nga Bypass-i i Vlorës, duke vazhduar me Transballkaniken e Vlorës, me lumin e Vlorës, me ?Lungo Maren? në Vlorë dhe pastaj këtu vazhduar me një sërë projektesh që fillojnë me ujësjellësit e Dhërmiut, për herë të parë mbas 1 mijë vjetësh Dhërmiu do të ketë 24 orë ujë. Dhe vazhdojmë me ujësjellësin këtu, që nga Kuçi që do ti jap ujë zonës nga Vunoi në Qeparo dhe që ne do ta financojmë në bazë të projektit që ka Gjergji.

Tani, doni ujë? Ja ku e keni atë që ua sjell ujin. Doni të rrini pa ujë, kapni një nga ata të dy edhe shikoni pastaj njëri- tjetrin. Se jo për gjë por këta kryetarët e bashkisë që çon Saliu nëpër Shqipëri edhe ky tjetri që ka ardhur këtu, që as emrin nuk dua t?ia përmend e as nuk dua t?ia mbaj mend, se nuk ja mbaj mend, këta nuk janë në gjendje të bashkëpunojnë më qeverinë.

Ndërkohë, ne kemi filluar punën. Besoj që e keni parë atë që po bëhet në bregun e Qeparoit. Sapo kemi përfunduar projektin e bregut të Himarës. Do të jetë një tjetër projekt fantastik që do ta transformojë gjithë këtë pjesë të qytetit në një pjesë turistike të shkëlqyer dhe me radhë, për Dhërmiun e më tutje?, tha Rama.

Më tej kryeministri tha se himariotët janë kokë më vete, por askush nuk mund t?i marrë për budallenj, ndaj vota e tyre më 21 qershor duhet të shkojë për Goron, i cili sipas Ramës është kandidati që do zhvillojë Himarën dhe do e çojë në drejtimin e duhur.

?Himarjotët janë njerëz të çuditshëm, kanë lloje-lloje gjërash në kokë, janë kokë më vete, por budallenj as kanë qenë dhe as i ka bërë njeri për budallenj. Prandaj do t?ju lutesha shumë atyre himarjotëve që janë me Partinë Demokratike, që mos na turpëroni duke bërë budallain, duke shkuar për të votuar atë që ka sjellë Saliu këtu. Ja ku e keni Gjergjin. Pastaj flamurin e PD-së tundeni në zgjedhjet e ardhshme, po të doni. Por këtu na duhet një votë shumë e fortë për Gjergjin, sepse na duhet një motiv shumë i fortë që të vazhdojmë të punojmë sëbashku.

Unë nuk vë në diskutim fitoren e Gjergjit, por unë vë në diskutim votën e demokratëve dhe të atyre të tjerëve që nuk e di për çfarë arsyeje mund t?ia japin votën partisë së mikut tonë, Vangjel, se nuk i duhet ajo votë as atyre, as Vangjelit, as Saliut. Ne duhet të mbledhim të gjitha votat për Gjergj Goron, i cili tani do të marrë fjalën si kandidat i përbashkët, si kandarit i PS-së, si kandidat i LSI-së dhe si përfaqësues i të gjithë qytetarëve të ndershëm dhe të mirë të këtij komuniteti?, përfundoi Rama