E fundit!

19:54 Aktualitet

"Na kanë shkelur, nuk i falim lotët e rinisë"/ Protestë në Korçë kundër qeverisë

Protesta qytetare kundër qeverisë ka vijuar këtë të shtunë...

Reforma e puthadorëve

24 Prill 2015, 17:53, Opinione CNA

Nga Jorida Tabaku

A është e domosdoshme një reformë në Arsimin e Lartë? Padyshim që po, por kjo nuk do të thotë që neve duhet t?i bindemi një drafti të cilën mazhoranca e quan reformë gjithëpërfshirëse. Madje, nuk kemi as përse frikësohemi nga cilësimet superlative që ministria apo ndonjë tjetër nga mazhoranca i ka vënë kësaj reforme se pas tyre fshihet as më shumë e as më pak se sa dështimi i pritshëm i Arsimit të Lartë. Po shkojmë nga shiu në breshër.
I keni shndërruar, me projektligjin e Arsimit të Lartë, universitetet në një marionetë që do ta komandoni sipas unit dhe vullnetit tuaj. Duke e zhdukur përfundimisht lirinë dhe qasjen kritike të tyre për t?i shndërruar në vasalë. I keni vendosur në garë universitetet duke i nxjerrë ato nga fryma e tyre, për t?i dhënë një kafshatë atij që ju pëlqen juve.

Në emër të liberalizmit, fshihni fytyrën e një reforme të ndërtuar mbi klientelizmin e atyre puthadorëve që ju gjejnë anët për t?ju futur në mendje fjalët e duhura që të kaloni këtë reformë. Kështu që ata, puthadorë të përfitojnë para sa më lehtësisht që të jetë e mundur, ndërsa studentët dhe familjet e tyre të mbyten në borxhe dhe kredi!

Pastaj, për t?i gënjyer qytetarët u premtohet se do të jepen bursa për studentët në nevojë. Po, cilët janë këto studentë në nevojë? Kush quhet i tillë kur ne nuk kemi përcaktuar ende një kufi të varfërisë?! Nëse do kemi bursa, atëherë me shumë mundësi të gjithë këto bursa do të jenë për shumicën e të pamundurve që duan të studiojnë. Praktikisht, për shumicën dërrmuese të studentëve, por a nuk do qe më mirë që mos të shpenzohej para e kotë dhe tarifat të uleshin?! Por nëse ndodh kjo e fundit, atëherë puthadorët pranë qeverisë do të humbisnin myshterinë! Megjithëse ka gjasa, se edhe ky premtim i bursave do të rezultojë si premtimet e tjera të kompensimit. Pra një gënjeshtër e shkruar bukur për të cilën nesër askush nuk do të mbajë përgjegjësi!
Nuk e di, se çfarë emri t?i vendosësh kësaj mazhorance që herë vesh pallton e taksimit të ndershëm me filozofi të majtë dhe pastaj me të njëjtën veshje bën propagandë si një qeveri e djathtë. A është ende në fjalor termi ?hipokrizi??

Qeveria merr përsipër të flasë për konkurrencën mes publikut dhe privatit. Të vjen të qeshësh kur mendon se qeveria ende nuk ka treguar cilësitë e saj në ruajtjen e kësaj konkurrence në sektorin ekonomik, ku miq dhe ofiqarë të saj përfitojnë sa e sa në krahasim me bizneset që nuk kanë marrë ende lejekalimin për të hyrë në zyrën e Kryeministrit. Sa e besueshme është një qeveri e tillë, që po na tregon sot përmes kësaj reforme, që do të jetë e aftë të kontrollojë tregun e një të mire publike?!
Ne, ende nuk jemi verbuar dhe as zbudallitur, sepse po shohim që ndryshe nga sa kanë premtuar në opozitë nuk po e çojnë në 5% të GDP-së ndihmën për arsimin e lartë. Prandaj, si mund të flasim për një konkurrencë kur në vetvete shteti nuk bën asgjë për të ndërtuar një treg të tillë.

I gjithë ky dështim vjen sepse reforma është ndërtuar për së prapthi, është qeveria ajo e cila hedh idetë dhe që i miraton ato. E ku është demokracia në këtë mes? Aq më tepër kur flitet për një institucion i cili jo më larg se 25 vjet më parë kërkoi të shkëputej nga kjo tutelë shtetërore në versionin Hoxhist?! Ku është ndershmëria e një qeverie që pretendon se po ndërton një arsim kompetitiv kur në fakt godinat e universiteteve po i shndërron në kioska të cilat nesër do të mbyllen sepse fatkeqësisht nuk janë të konkurueshëm?!

Kështu, nuk kemi as konkurrencë as liberalizëm, kemi thjesht një shtet që punon dhe funksionon për të kontrolluar universitetin publik përmes metodave qartësisht diktatoriale. Pastaj kemi shtetin që në emër të konkurrencës u jep mundësi universiteteve private që të përfitojnë fonde që pushteti ia ka hequr nga goja publikut të rraskapitur dhe të gjymtuar nga mungesa e demokracisë.