Gënjejnë mendjen ata që mendojnë se janë të 'zgjuar' dhe do jua hedhin njerëzve!

8 Prill 2015, 11:59, Opinione CNA

Besnik Aliaj / Konsolidimi pushtetit vendor edhe pse më se i nevojshëm, ka prodhuar një patate të nxehtë që do ja shohim ‘hajrin’ shpejt! Kështu me ndarjen e re territoriale Tirana ka dy anë të medaljes: Para- dhe Pas- Dajtit e përtej … Kjo do të duhet të ndryshojë gjithë modeli jetesës, shërbimet dhe infrastrukturën … dhe këtë punë nuk e zgjidh dot luga e zbrazur e politikës konfliktuale dhe arrogante apo bllokuese si deri më sot. Kjo punë do dashuri për njerëzit dhe respekt për këtë vend. Do që te shkelesh vete me këmbë çdo skute te kësaj megabashkie jo-organike, te komunikosh me njerezit pa ironi e cinizëm, dhe jo te manipulosh realitetin përmes editorialeve televizive te karamelosura. Kjo pune do investime pa fund per te subvencionuar këtë ndryshim te madh jo-konsensual te statusquo-se. Para qe do te duhen te vijne vetëm nga xhepat e boshatisura te taksapaguesve te lodhur, te ofenduar, te dhunuar, te revoltuar … por qe po u vjen dita!!!!

Edhe njëherë mos kujtoni se ka me naïve. Nuk mjafton me te gatuash kulisat e politikes se madhe! Gjithmonë e me pak do ju ndjekin njerëz nga pas. Filloni se pari duke kanceluar marrëveshjen e 2008-s. Rehabilitoni fillimisht me ligj demokracinë e brendshme neper parti! Hapeni garën edhe ndaj vetes! Sqaroni kush eshte rajoni para se te beni reforma dhe zgjedhje rajonale! Uluni ne tryeze. dhe bëni pakt social, me faktore pertej partiak! Dekriminalizoni urgjent Parlamentin majtas e djathtas! Zgjidhni një President konsensual! Ndajeni pushtetin dhe pergjegjesine midis maxhorances dhe me opoziten! Mos u beni te pangopur! Shkoni ne zgjedhjet e pergjitheshme me nje pakt publik transparent, per te futur ne tempullin e ligjit vetem jerez qe kane provuar se e meritojne moralisht e politikisht, qe janë te mençur e profesioniste, qe nuk rrine ne rresht partise si tutkune por kur bën sens.

E veshtire e di se shume pikëpyetje do te ngrihen edhe per vete ju! Po ketu dallojne liderat burra-shteti dhe vizionare nga burracaket e pushtetit, ata qe bëjnë reforma dhe e cojne vendin para nga mjeranet qe i fshihen ligjit dhe intriges politike … Boll eshte boll, sepse tashme 1 ne 4 shqiptare tashme e kane braktisur kete vend, ne kembim te nje jete me komplekese, por me te sigurte dhe me te moralshme!