web counter
LEXO PA REKLAMA!

SHKARKO APP

App Store
Google Play

Dhunimi psikologjik tek fëmijët

13 Janar 2015, 16:36, Lifestyle CNA

Sipas një studimi është dalë në përfundimin se keqtrajtimi i fëmijëve është një dukuri e pranishme në shoqërinë shqiptare. Ndërkohë dhunimi në familje është dhe një nga format më të padukshme të keqtrajtimit të fëmijëve.

Studimi ?Prevalenca e përvojave negative gjatë fëmijërisë te të rinjtë shqiptarë?, nga Organizata Botërore e Shëndetësisë dhe Fakulteti i Mjekësisë, tregoi se prevalenca e përgjithshme e dhunës fizike dhe seksuale gjatë 18 viteve të para të jetës ishte te të intervistuarit respektivisht 41.5 % dhe 6 %.

Sipas studimit, 51 % e të anketuarve kanë pranuar se e kanë pësuar këtë përvojë negative në fëmijërinë e tyre. Po ashtu rezulton se 14 % e studentëve të marrë në pyetje kanë raportuar të paktën 4 përvoja negative në fëmijëri, ndërsa më tepër se gjysma e tyre raportuan të paktën dy të tilla. Për sa i përket nivelit të shpërdorimit emocional gjatë fëmijërisë, që është dhe forma më e përhapur e keqtrajtimit të fëmijëve, rezultoi në studim, pak a shumë, i njëjtë në të dyja gjinitë.

Lidhja midis faktorëve social-ekonomikë dhe social-demografikë ishin të shumta me përvojat negative gjatë fëmijërisë.
Studimi tregoi se, në përgjithësi, vendlindja dhe vendbanimi rural, niveli i ulët i arsimimit të prindërve, papunësia e babait dhe niveli i ulët i të ardhurave ishin përcaktorë shpjegues të dhunës fizike të dëshmuar dhe të ushtruar fizike, emocionale dhe seksuale.

Lidhur me përvojat negative gjatë fëmijërisë dhe lidhja me faktorët e stilit të jetesës, studimi tregoi se duhani, alkooli dhe drogat ishin të lidhura ngushtësisht me dhunën e dëshmuar dhe të ushtruar fizike, emocionale dhe seksuale.





Lajmet e fundit nga