web counter
LEXO PA REKLAMA!

SHKARKO APP

App Store
Google Play

E fundit!

x

Zbukurohuni me sodë bikarbonati

12 Janar 2015, 11:00, Lifestyle CNA

Soda e bukës apo bikarbonatit është tejet e dobishme në kuzhinë dhe atë jo vetëm për zierje. Mund të përdoret edhe për pastrim dhe shumë amvise thonë se është më efikasja në kombinim me uthullën e mollës. Mirëpo, ky pluhur i bardhë mundet ndjeshëm t?ju ndihmojë edhe në zbukurim, por edhe shëndet.

Piling për lëkurë

Pilingun për lëkurë mundeni thjeshtë ta bëni nga soda e bukës dhe ujit. Thjeshtë i përzieni tri lugë të sodës me një lugë ujë dhe me këtë pastë të fituar, ngadalë lyejeni fytyrën duke e shtrirë me lëvizje rrethore. Lëreni të qëndroj në fytyrë 10 minuta dhe pastaj ngadalë pastrojeni me ujë të vakët. Lëkura do të jetë më e butë dhe në këtë mënyrë me kalimin e kohës do të hiqni qafe papastërtitë nga lëkura.

Zbardhja e dhëmbëve

Është e njohur se soda mund të ndihmojë në zbardhjen e dhëmbëve, ndërsa nëse e dini recetën e duhur, mund të kurseni shumë para. Në vend të pastave të shtrenjta për zbardhje, thjeshtë përzieni një lugë të hidrogjenit trepërqindësh, po aq sodë dhe pakëz kripë deti. Këtë përzierje mund ta hidhni në brushën e dhëmbëve, por pasi kjo masë është gërryese, që mos të dëmtoni shtresën mbrojtëse të dhëmbëve, është mirë që në secilin dhëmbë të vendosni pakëz nga kjo masë me një shkop për pastrimin e veshëve. Lëreni të qëndroj dy minuta dhe pastaj lajeni gojën. Këtë duhet ta përsërisni tri ditë me rend dhe kështu çdo muaj.

Problemi me tretjen

Nëse ndjeni dhimbje në lukth, keni urth dhe probleme me tretjen, në vend të ilaçeve të shtrenjta, së pari provoni sodën e bikarbonatit e cila është e parrezikshme dhe shpesh shumë efikase. Në një gotë me ujë pakëz të vakët, vendosni një lugë sodë dhe përziejeni mirë.





13:49 Lifestyle

Si të lini duhanin

Nikotina është një nga drogat ligjore më problematike, të dë...

Lajmet e fundit nga