web counter
LEXO PA REKLAMA!

SHKARKO APP

App Store
Google Play

Deputetët e PS: Mbështesim INUK për të çliruar trotuaret

23 Tetor 2014, 22:00, Politikë CNA

Deputetë të Partisë Socialiste reagun sot pas akuzave të opozitës lidhur me prishjen e ndërtimeve të paligjshme nga INUK.

Në një deklaratë për mediat, deputetët e Tiranës së PS-së shprehen se ?në mënyrë të përsëritur selia e Partisë Demokratike po akuzon kryeministrin për prishje selektive të ndërtimeve të paligjshme që kane zënë rrugët, trotuaret dhe çdo hapësirë komunitare në Tiranë?.

?Si përfaqësues të kryeqytetit në Kuvend ne e mbështesim plotësisht veprimtarinë e INUK-ut për t?i çliruar më në fund rrugët e trotuaret nga pushtuesit e paligjshëm që po u marrin frymën prej vitesh banorëve të kryeqytetit?, thuhet në deklaratën për mediat.

Sipas deputetëve të PS-së, rezulton që në jo pak raste ndërtime të mbetura pa prishur aty ku ka kaluar INUK-u janë me tapi që rezultojnë prej legalizimit të bërë nga qeveria e mëparshme. Legalizime vërtet kriminale që jo vetëm kanë krijuar pronarë mbi trotuare po kanë krijuar edhe një faturë shpronësimi të papërballueshme për shtetin nëse do të prisheshin sot për sot. Kjo do të thotë se PD jo s?duhet të flasë, por duhet të kërkojë ndjesë për këto turpe prej betoni që ka mbjellë dhe hipotekuar në kurrizin e komuniteteve?.

Deputetët e maxhorancës nënvizojnë se ?PD e di që e ka ende drejtimin e Bashkisë së Tiranës apo e ka harruar edhe ajo për shkak të braktisjes së detyrës së kryebashkiakut nga Lulëzim Basha qëkur u bë  kryetar i PD-së? Jo më kot ne kemi thënë me kohë se Lulëzim Basha duhet të japë dorëheqjen pasi e ka lënë bosh vendin që mori me zor?





Lajmet e fundit nga