web counter
LEXO PA REKLAMA!

SHKARKO APP

App Store
Google Play

E fundit!

x

Taksat rriten në 2015, paguajnë qytetaret

20 Tetor 2014, 22:00, Aktualitet CNA

Viti 2015-të do të vijë sërish me një sistem të ri taksash, i cili këtë radhë do të prekë më shumë qytetarët.Pas rritjes së energjisë, do ketë rritje të tjera. 

Burime konfidenciale për Vizion Plus thonë se do të rritet tatimi për fitimin e nga interesi i depozitave dhe po ashtu do të rritet edhe taksa e qarkullimit të automjeteve.

Sot, një qytetar i cili ka kursime në bankë, paguan aty në formën e tatimit në burim taksën 10% për interesat që fiton. Tashmë kjo taksë do të bëhet 15%.

Nëse marrim shembullin e një personi qe ka kursime në vlerën 1 milion lekë në bankë, ai fiton nga interesi mesatar që kanë bankat prej 2%, 20 mijë lek të rinj.

Në këtë shumë shteti mbante tatim fitim 2 mijë lek, dhe tashmë do të mbajë 3 mijë lek të rinj.

Taksa tjetër e cila do të rritet është ajo e qarkullimit të makinave, e cila mblidhet përmes shitjes së naftës dhe benzinës në treg.

Këto ditë Ministria e Financave po diskuton variantin që të rrisë me 10 lek për litër taksën e qarkullimit për benzinën dhe naftën, gjë që do të japë efekt direkt edhe në rritjen e çmimit të karburanteve.

Sot që flasim taksa e qarkullimit është 17 lek për litër për të dyja lëndët.

Rekomandimet e mësipërme janë bere per qeverinë nga Fondi Monetar Ndërkombëtar, në mënyrë që buxheti të sigurojë më shumë të ardhura, pretendon qeveria. Por në fakt performanca e dobët nga tatimet dhe doganat tregon se buxheti është ne krizë. Ministri i Financave vazhdon të bëjë show, ndërkohë shqiptarët varfërohen cdo ditë.





22:00 Aktualitet

Manikyrët fosfor

Janë të njohur tashmë pothuajse nga të gjitha femrat, por nd...

Lajmet e fundit nga