web counter
LEXO PA REKLAMA!

SHKARKO APP

App Store
Google Play

Sërbët djegin flamurin shqiptar në ndeshjen Partizan-Crvena Zvezda

18 Tetor 2014, 22:00, Aktualitet CNA

Nuk duhet një dron dhe as një flamur me simbole shqiptare, për të ndezur gjakrat nacionaliste të serbëve.

Një fakt të tillë e provoi më së miri ndeshja e djeshme, në të njëjtin stadium, por tashmë tifozët nuk kishin përballë në fushë kombëtaren shqiptare, por dy skuadrat kryeqytetase, Partizanin dhe Crvena Zvezdën.

90 minutat e ndeshjes kanë shpërfaqur të njëjtën panoramë që shoqëroi ndeshjen e 14 tetorit, edhe pse të dyja skuadrat ishin serbe.

Ndeshja u shoqërua me incidente të shumta dhe një parullë sa e gjithë gjatësia e stadiumit ku shkruhej: ?Kosova është Serbi?.

Gjatë pjesës së dytë të takimit, në shkallët e stadiumit u dogj flamuri ynë kombëtar, siç shikohet edhe në foto. Personi që e mban në dorë nuk ngjason aspak me vëllanë e kryeministrit shqiptar.

Frika nga hyrja e ndonjë droni, serbët patrullojnë me helikopter mbi stadium

Derbi Partizan-Zvezda, tifozët ?Kosova është Serbi?, trazira në stadium

Ndeshja kryesore në Serbi ndërmjet Partizanit dhe Zvezdës ka mbetur nën hijen e incidentit të ndodhur në ndeshjen Serbi- Shqipëri.

Në stadiumin e Partizanit, tifozët kanë shkruajtur një pankartë të madhe me mbishkrimin: ?Kosova është Serbi?.
?Grobari?, siç njihen tifozët e Partizanit kanë vendosur një banderolë shumë të madhe, në të cilën shkruhej ?Kosova është Serbi?.

Ndeshja u ndëpre për disa minuta pasi tifozët ndezën fishekëzjarre në stadium.

Serbët edhe një herë po e tregojnë se nuk kanë as një lidhje me futbollin modern, pasi po e përziejnë atë shumë me politikën.





Lajmet e fundit nga