Ngjela: Presidenti i Federatës së Futbollit Shqiptar, Duka, duhet flakur jashtë Federatës me çdo mjet

18 Tetor 2014, 22:00, Aktualitet CNA

Avokati Spartak Ngjela ka sulmuar kreun e FSHF, ai shkruan ne rrjetin social Facebook se Presidenti i Federatës së Futbollit Shqiptar, Duka, duhet flakur jashtë Federatës me çdo mjet.

“Përse shqiptarët gjithmonë sulmohen nga agresorët e tyre botërisht, dhe nga drejtuesit e tyre asnjëhërë nuk janë mborjtur. Kjo ka ardhur për dy arsye: sepse drejtuesit e shqiptarëve ose janë vënë në pushtet më paratë e “agresorëve” të tyre, ose kanë qënë injorantë që kanë qeverisur për të vjedhur popullin. Kjo gjendje është edhe sot: të sulmuarit padrejtësisht, shqiptarët ne Beograd, quhen agresorë nga kundërshtari; kurse gjuha e atyre që drejtojnë e që duhet të mbrojnë interesat tona, është një gjuhë e dobët, pa asnjë argument, a thua se janë ose të blerë, ose janë idiotë. Për historinë, kjo është e njejta gjë. Shiheni kryetarin e Fedratës së Futbollit Shqiptar. Si mund të pranohet ai mjeran kapadai, që duket se tallet me sentimentin e shqiptarëve? Një njeri që kuptohet se është i blerë. Ka votuar për Platininë në UEFA, në vend që të votonte për grupin gjerman; dhe vijon të mbaje kontratën korruptive me të, sepse është maskarai francez që e mban këtu. Ky njeri duhet flakur një orë e më parë nga ai drejtim. Kryeministri shqiptar duhet t’i tregojë vendin këtij birboje që tallet me shqiptarët në një moment kaq të rëndësishëm historik. Ai duhet hetuar dhe audituar në një mënyrë sa më serioze dhe profesinale, për ta vënë përpara përgjegjësisë, ose pastaj, vetë shqiptarët duhet t?i tregojne vendin këtij uzurpatori që abuzon dhe dëmton pareshtur paraqitjen ndërkombëtare të Shqipërisë dhe shqiptarëve”, shkruan Ngjela