web counter
LEXO PA REKLAMA!

SHKARKO APP

App Store
Google Play

Policia kontrollon imtesisht Fushë- Kuqen

3 Korrik 2014, 09:21, Aktualitet CNA

Policia e Shtetit, e mbështetur nga trupat RENEA dhe të Ndërhyrjes së Shpejtë ka nisur një aksion të gjerë në Fushë- Kuqe në vijim të hetimeve për vrasjen e bankierit, Artan Santo.

Kjo është hera e dytë në pak ditë që forcat e rendit kanë populluar zonën e Fushë- Kuqes, ku dyshohet se mund të kenë gjetur strehë pas vrasjes edhe vrasësit me pagesë.

Pak ditë më parë, gjatë aksionit u zbulua tre skafandra të ngjashme me ato të vrasësve me pagesë, por deri tani nuk ka të dhëna nëse i përkisnin apo jo atyre.

Skafandrat u gjetën në një magazinë së bashku edhe me një motor.

Në aksionin e sotëm kontrollet po kryhen në të gjithë zonën, ndërsa janë ngritur edhe postoblloqe përgjatë gjithë akseve rrugore që të çojnë në Lezhë dhe Fushë- Kuqe.

Ndërkohë që të gjitha banesat apo edhe ambientet e tjera po i nënshtrohen inspektimit të hollësishëm.

Deri më tani janë dy të ndaluar për këtë ngjarje. Bëhet fjalë për kushërinjtë Klodian dhe Sajmir Gjozi.

Por prokuroria ka rezerva për pretendimet e policisë se atyre iu janë gjetur mbetje baruti.

Burime nga grupi hetimor i ngritur pas vrasjes së 58-vjeçarit bëjnë me dije se lënda që është gjendur në pjesën e duarve të dy kushërinjve nuk është barut i mirëfilltë, por janë mbetjet të tij.

Sipas shpjegimit të ekspertëve, bëhet fjalë për elementë përbërës të nitrateve të kripës, ose ndryshe mund të quhet edhe blozë, e cila është një lloj lënde që nuk largohet lehtë edhe pas larjes, dhe shfaqet qartë pas ekzaminimit kimik në pjesën e duarve, krahëve apo fytyrë.

Por, ekspertët thanë se këto mbetje nuk mund të përdoren si provë për të lidhur dy personat me vrasjen, sepse mbetje të tilla mund të shkaktohen edhe nga duhani, guri fleksibël apo tymi i makinës dhe në kushtet kur dy të rinjtë punonin në një servis makine, këto elemente mund të gjenden shumë kollaj.





Lajmet e fundit nga